Ecclesiastes 7:1 - Maung A Balita Biblia

¹ Say maung a ngaran et magmaung ni nen say mabmablin pabalingit; say agew na ipatey na too et maung ni nen say agew na inkianak to.

Maung a Balita Biblia

¹ Say maung a ngaran et magmaung ni nen say mabmablin pabalingit; say agew na ipatey na too et maung ni nen say agew na inkianak to.

Ecclesiastes 7:1 Referans Kwoze

Puyan 14:13

Insan nadngel koy sakey a bosis a nanlapud tawen a kuanto, “Isulat mo ya: Manlapud natan, maliket iray totoon ompatey a manlilingkur ed Katawan!” “Tua tan,” inkuan na Ispiritu. “Mampainawa la rad saray sagsagput da, ta mimila ed sikaray bunga na impanlilingkur da.”

Probirbio 22:1

No sikay pampilien ed malinis a kagalangan tan say baleg a kayamanan, pilim so malinis a kagalangan.

Ecclesiastes 4:2

Ninunot ko a magmaung niy kipapasen da ray inaatey nen saray mabilay.

2 CORINTO 5:8

Mataletalek kami tan lablabay mi niy ontaynan ed sayan abung, a say laman, tan makapiayam ed abung na Katawan.

2 CORINTO 5:1

Ta amta tayo a no naderal so tuldan panaayaman tayo natan—say mangaraldalin a laman tayo—walay andi-anggaan ya abung tayod tawen, sakey ya abung ya ag ginaway too, no ag ingen iter na Dios.

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

Ecclesiastes 10:1

Saray inatey ya apangat pabangeten day sambotilyan pabalingit; ontan met say daiset ya inkakulang-kulang deralen toy kakabatan tan kagalangan.

Probirbio 27:9

Say larak tan say pabalingit paliliketen da ka, balet say gunigon gogoloen toy isip mo.

Isaias 56:5

nanunotan ed Timplok tan diad saray totook so ngaran mo. Mabayag ni so pakanunot ed sika nen say no wala ray anak mon lalaki tan bibii. Ag kan balut nalingwanan.”

Probirbio 15:30

Saray makakaimis a lupa pagmamaliwen da kan maliket, tan say maung a balita pagmamaliwen ton maung so liknaan mo.

Say Libro nen Job 3:17

Diad lobuk ag la makagaway kaogsan iray maoges a totoo, tan makapanpainawa la ray kumikimey a naknaksawan.

Juan 13:2

Mamandem ira di Jesus tan saray disipulo to. Inseksek lan maung na Diablo ed puso nen Judas Iscariote, ya anak nen Simon, so pantraidor tod kinen Jesus.

Saray Salmo 133:2

Singa mablin panaglanan larak a managagos ed olo tan balbas nen Aaron, ya anggad kuilyo na kawes to.

Saray Hebreo 11:39

Lapud pananisia ra, angitilak iray maung a pakatongtongan ed sikara, balet ag da naawat so insipan na Dios,

Saray Hebreo 11:2

Lapud pananisia, saray totoo nen inmona ran panaon nala ray maung a linawa na Dios.

Lucas 10:20

Balet ag kayo manliliket lapud oonuren kayo ray maoges ya ispiritu. Manliket kayo ingen lapud nisulat ed tawen iray kangaranan yo.”

Kanta nen Solomon 4:10

Agaylay samit so panangarom, O inarok tan nobiak. Masamit ni so panangarom nen say alak; anggapoy makapipara ed pabalingit mo.

Ecclesiastes 7:8

Say pangangga na bengatla et maung ni nen say gapo to. Say toon maanos maung ni nen say toon mapaatagey.

Jonas 4:3

Ontan sirin, Katawan, alam pa lay bilay ko. Magmaung nin ompatey ak la nen say mambilay ak ni.”

Ruth 3:14

Kanyan dinmokul ed saliyan nen Booz anggad kabwasan. Lapud ag labay nen Booz a walay makaamta a si Ruth et nanlapud man ed panagilikan, pinabangon to la nen ambilonget ni pian anggapoy makabirbir ed sikato.

Probirbio 25:10

Ta no ibawag mo, nakabatan na arum a totoo ya ag ka makaamut, et ag ontonday pakababaingan mo.