Ecclesiastes 6:12 - Maung A Balita Biblia

¹² Siopay makaamta no antoy sankaabigan a para sakey a too ed sayan andi-kakanaan tan antikey a bilay ed tapew na dalin—sakey a bilay a naandipat a singa anino? Siopay makapangibaga no antoy nagawad mundo kapatey to?

Maung a Balita Biblia

¹² Siopay makaamta no antoy sankaabigan a para sakey a too ed sayan andi-kakanaan tan antikey a bilay ed tapew na dalinsakey a bilay a naandipat a singa anino? Siopay makapangibaga no antoy nagawad mundo kapatey to?

Ecclesiastes 6:12 Referans Kwoze

Santiago 4:14

Ag yo anggan amtay kipapasey bilay yo nabwas! Say bilay singa kelpa, a wala natan balet nanagonuyan naandipat la.

Ecclesiastes 3:22

Abirbir ko sirin a say sankaabigan a nagawaan tayo et say panliket ed saray nansagputan tayo. Anggapo lay arum a nagawaan tayo. Anggapoy polaing a pakaamtaan tayo no antoy nagawad sikatayo kayari na ipatey tayo.

Say Libro nen Job 14:2

Ombaleg, ombuskag tan nalaylay a singa saray rosas; naandipat a singa saray anino.

Saray Salmo 144:4

Say too et singa labat siplug na dagem; saray agew to et singa aninon ondadalan.

Ecclesiastes 8:13

balet ag ya nagawa ed saray totoon maoges, singa anino so bilay da, tan ompatey iran masakbay, lapud ag da oonuren so Dios.”

Ecclesiastes 8:7

Anggapod sikatayoy makapikabat no antoy nagawa ed arapen, tan no siopay mangibagad sikatayo.

Say Libro nen Job 8:9

Antiktikey so bilay tayo tan anggapoy amta tayo; singa tayo labat onlalabas ya anino diad tapew na dalin.

1 Saray Awaran 29:15

Amtam, O Katawan, a diad pambibilay mi sikamiy akar-akar a sangkaili tan totoon nibantak ed arum a bansa, a singa impanbilay na saray lalaki mi. Singa labat ondadalan ya anino iray agew mid tapew na dalin, tan ag mi napaliisan so patey.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Ecclesiastes 9:6

Kaambas da lan naandi so panangaro, panagbosul, tan say panagabagey da. Ag la ran balut mibali ed antokaman a nagagawa ed sayan mundo.

Ecclesiastes 2:3

Lapud pilalek kon nagamuray kakabatan, ginetmak a paliketen koy laman kon dili diad paninom koy alak. Ninunot ko, a sikato ya angangkoy sankaabigan a gawaen na saray totoo legan na antikey a pambilay da diad tapew na dalin.

Saray Salmo 109:23

Ngalngali ak la naandipat a singa aninod labi; nititikyab ak a singa bigis.

Saray Salmo 102:11

Say bilay ko singa anino ed labi; singa ak nalelenes a dika.

Saray Salmo 17:15

Lapud matonung ak, nanengneng ta ka; no ombangon ak, say kiwawalam papanoen to ak na gayaga.

Saray Salmo 4:6

Dakel iray mampikasi: “Itdan mo kami pay lalon dakel a bindision! Mapangasin osdungan mo kami pa, O Katawan!”

Say Libro nen Job 14:21

Makagamur na kagalangan iray lalakin anak to, balet ta ag to amta; ag to met amta no napelag irad kababaingan.

Mikias 6:8

Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Saray Salmo 89:47

Nunot mo pa, Katawan, so katikey na bilay ko; nunot mo ya ompatey ya amiy katoowan a pinalsam.

Saray Salmo 47:4

Pinili toy dalin a panaayaman tayo natan, say ikikinun a kayaryan na saray totoon inaro to.

Saray Salmo 16:5

Sika, Katawan, so amin a kayaryan ko, iiter moy amin a nakakaukolan ko; walad sanduan limam so bilay kod arapen.

Ecclesiastes 2:24

Say sankaabigan a gawaen na sakey a too et say pangan, iyinom, tan say panliket tod saray nansagputan to. Balet abirbir ko met ya anggan saya et nanlapud Dios.

Ecclesiastes 6:11

No andokey so pisangsangan mo lalon anggapoy kana to, tan anggapoy nagunggonam.

Ecclesiastes 7:15

Legan na andi-kakanaan ya impanbilay ko anengneng koy amin a bengatla. Wala ray totoon matonung ya antikey so bilay da, balet wala ray maoges a totoo ya andokey so bilay da.

Ecclesiastes 9:9

Legan a mambibilay kad sayan andi-kakanaan a bilay ya inter ed sika na Dios diad sayan mundo, manliket kan miamung ed inararom ya asawa. Manliket kan inagew-agew, ta sikato labat so nagunggonam ed amin a gunigon mo.

Ecclesiastes 10:14

Ag ontonda a manlabir lan manlabir. Anggapoy toon makaamta no antoy nagawad arapen, kanyan anggapoy makapangibaga ed too no antoy nagawa kayariy ipatey to.