Ecclesiastes 5:7 - Maung A Balita Biblia

⁷ Anggaman ya amayamay iray kogip mo tan saray andi-kanan gawam tan salitam, nepeg mon pagalangan nin siansia so Dios.

Maung a Balita Biblia

⁷ Anggaman ya amayamay iray kogip mo tan saray andi-kanan gawam tan salitam, nepeg mon pagalangan nin siansia so Dios.

Ecclesiastes 5:7 Referans Kwoze

Mateo 12:36

“Kuankod sikayo: no onsabiy Agew na Okum, ebatan na balang sakey so imbolus ton salita ya anggapoy kakanaan.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Ecclesiastes 5:3

No magunigon ka, lalon dakel so nakogip mon aliwaliwa; no masalita ka, lalon dakel so nasalitam ya andi-kana.

Ecclesiastes 3:14

Amtak a mansiansiad ando lan ando ya amin iray gagawaen na Dios. Anggapoy nayarin iyarum ed sikara odino ekalen ed sikara. Onyay impaakseb na Dios, pian nawalaan itayoy panangigalang ed sikato.

Probirbio 23:17

Ag mo iibegan iray totoon makasalanan; igalang mo lawas so Katawan.

Ecclesiastes 7:18

Ag mo lalabasey inkaoges odino say inkatonung mo. Igalang moy Dios et onaligwas ka met ni lamlamang.

Ecclesiastes 8:13

balet ag ya nagawa ed saray totoon maoges, singa anino so bilay da, tan ompatey iran masakbay, lapud ag da oonuren so Dios.”

Ecclesiastes 3:16

Aliwan saya labat; naimanok met a diad sayan mundo naalmo so kaogsan, anta kaptekan tan katonungan komun so naalmo.

Ecclesiastes 8:9

Anengneng ko ra yan amin nen ninunot ko ray nagagawa ed sayan mundo, say mundo a wala ray totoon walay pakayari, tan nepeg a manirap iray totoon ooleyan da.