Ecclesiastes 5:4 - Maung A Balita Biblia

⁴ Kanyan no mansipan ka ed Dios, ganatan mon sumpalen. Aliwan makapaliket ed sikato so toon makulang-kulang. Sumpal mo so insipan mon gawaen.

Maung a Balita Biblia

⁴ Kanyan no mansipan ka ed Dios, ganatan mon sumpalen. Aliwan makapaliket ed sikato so toon makulang-kulang. Sumpal mo so insipan mon gawaen.

Ecclesiastes 5:4 Referans Kwoze

Saray Bilang 30:2

No manggaway sinambaan a sipan so sakey a too a mangiter na bengatla ed Katawan odino sambaan to a walay ag to gawaen, nepeg ya ag to deralen so sipan to, no ag ingen sumpalen to so sinalita to.

Mateo 5:33

“Nadngel yo met a niganggan ed saray totoo nen saman, ‘Ag mo bebenegay sipan mo, no ag ingen sumpal moy sinambaan mod arap na Katawan.’

Saray Salmo 76:11

Sumpal yo ray insipan yod Katawan a Dios yo; amin yon kaliber-liber a bansa, mangawit kayo ray rigalod sikato. Say Dios patatakoten tod sikato iray totoo;

Saray Salmo 50:14

Say pisasalamat so nepeg yon ibagat ed Dios, tan iter yod Makapanyarin-amin so antokaman ya insipan yo.

Saray Salmo 116:14

Diad tipon da ray amin a totoo to, iter kod sikatoy insipan ko.

Saray Hebreo 10:6

Ag ka apaliket na saray bagat a popoolan, tan saray bagat a mamaandid saray kasalanan.

Malakias 1:10

Say Katawan a Makapanyarin-amin kuanto, “Oy la komun, ta sakey ed sikayo so mangisarad saray kaput na Timplo, pian anggapod sikayoy manelsel na andi-kakanaan ya apoy ed altar ko. Ag ak makaliliket ed sikayo; ag ko awaten iray bagat ya iyaakar yod siak.

Jonas 2:9

Balet mankanta ak na panangidayew ed sika; mangisaklang ak ed sika na bagat tan sumpalen ko so insipan ko. Manlalapud Katawan so kilalaban!”

Saray Salmo 119:106

Tooren ko so sinambaan ko, ya onuren ko ray maptek a bilibilin mo.

Genesis 35:3

Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.”

Genesis 35:1

Inkuan na Dios ed kinen Jacob, “Lakan tampol ed Betel tan manayam kad man. Manggawa kad may altar a para siak a Dios a pinmayawar ed sika nen ibabatikan moy agim ya Esau.”

Isaias 19:21

Ipaamta na Katawan so sikaton dili ed saray Egipsio; birbiren dad satan tan igalang da, tan isaklangan da na saray bagat. Masimsimoon irad satan a mansipan tan sumpalen da ray sipan da.

Genesis 28:20

Insan sinambaan tod Katawan a Dios, “No kaiba mo ak lawas tan iyagel mo ak legan na sayan akar ko tan itdan mo ak na kawes tan kakanen,

Saray Huis 11:35

Kanengneng tod sikato, pinilat toy kawes tod ermen to tan kuanto, “O anak ko! Paniingeten moy pagew ko! Akin et sikay makasengeg na mapalalon kagunigon ko. Walay sinambaan kod Katawan, et ag ko la nababawi.”

Saray Salmo 22:25

Idayew ta kad baleg ya olupan, lapud saray ginagawam; isaklang ko ray insipan kon bagat ed arap da ray mangigagalang ed sika.

Probirbio 20:25

Nunot mon maung kasakbayan a mangisipan kay ibagat mo ed Dios; ompan kabebekta et magbabawi ka.