Ecclesiastes 5:13 - Maung A Balita Biblia

¹³ Saya niy makapasinagem a kaogsan ya anengneng kod sayan mundo; saray katoowan mantitipon ira na kayamanan ya ikana ra ed panaon a pankaukolan da.

Maung a Balita Biblia

¹³ Saya niy makapasinagem a kaogsan ya anengneng kod sayan mundo; saray katoowan mantitipon ira na kayamanan ya ikana ra ed panaon a pankaukolan da.

Ecclesiastes 5:13 Referans Kwoze

Genesis 19:14

Linmay Lot ed saramay lalakin mangasawad saray anak to, tan inkuanto, “Ganatan yoy onekal dia; deralen na Katawan yan lugar.” Balet abaloan dan manlulurey si Lot.

Lucas 16:19

“Walay sakey a mayaman a mabmabli ray kawes to tan agaylay abig so kakanen ton inagew-agew.

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Ecclesiastes 8:9

Anengneng ko ra yan amin nen ninunot ko ray nagagawa ed sayan mundo, say mundo a wala ray totoon walay pakayari, tan nepeg a manirap iray totoon ooleyan da.

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Probirbio 11:4

Anggapoy kakanaan so kayamanan mo no asabi lay agew na ipatey mo, balet say kaptekan nilaban toy bilay mo.

Probirbio 1:32

Ompapatey iray totoon anggapoy salsalid panagbilay lapud ipopolisay day kakabatan. Nadederal iray totoon makulang-kulang lapud ag ira mangasasikaso.

Probirbio 1:19

Say tulisan pateyen na inkatulisan to—onyay pansumpalan na siopaman a toon mambibilay onung ed inkaruksa to.

Genesis 14:16

tan abawi to ray amin ya asamsam da. Abawi to met si Lot tan saray kayaryan to, pati saray bibii tan arum ni ran totoon adakep.

Lucas 19:8

Inmalagey si Zaqueo tan inkuantod Katawan, “Iter koy kapalduay kayaryan ko ed saray mairap-bilay, Katawan; tan no wala bilang so sinaol ko, mamipat a karakel so ipawil ko.”

Isaias 2:20

No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

Genesis 19:26

Balet say asawa nen Lot linmingaw ed nanlapwan to, kanyan nagmaliw a pongul ya asin.

Say Libro nen Job 20:20

Ag balut napenek so inkaagom to.

Ecclesiastes 5:14

Balet lapud makapoy a kipaakaran nabalang day amin a kayamanan da; kanyan anggapoy anto a nipatawir da ed saray anak da.

Probirbio 23:4

Makabat ka no ag ka mankekesaw na alabas ed pampapayaman mo.

Probirbio 27:24

ta ag mansiasia so kayamanan. Anggan saray bansa ag ira mansiansia.