Ecclesiastes 4:9 - Maung A Balita Biblia

⁹ Maung niy duara nen say sakey, lapud dakel niy tumang a naala ra ed antokaman a gawaen da.

Maung a Balita Biblia

⁹ Maung niy duara nen say sakey, lapud dakel niy tumang a naala ra ed antokaman a gawaen da.

Ecclesiastes 4:9 Referans Kwoze

Probirbio 27:17

Saray totoo makakaaral irad kapara ran totoo, a singa say balatyang et patataremen toy kapara ton balatyang.

Genesis 2:18

Insan inkuan na Katawan a Dios, “Aliwan maung a mambukbukor so too. Igawaan ko na sakey a manepeg a kaiba to tan katulongan to.”

Marcos 6:7

Tinawag to ray labinduan disipulo tan imbaki to ran sanderwa. Kasakbayan to ran imbaki, initdan to ray pakayarin mamaekal na saray maoges ya ispiritu

Saray Bilang 11:14

Ag ko nayarian a bokur koy makaoley ed sikaran amin; ag ko la ya nayarian a songduan!

Juan 4:36

Say manaani et ag labat naopaan no ag ingen mantipon met na bunga ya onkanad bilay ya andi-anggaan, et diad ontan, manliket iran so tumatanem tan omaani.

Saray Gawgawa 13:2

Nen peles dan manlilingkur ed Katawan tan manaayuno, inkuay Ispiritu Santo ed sikara, “Ibiig yon para siak ira di Bernabe tan Saulo, ta gawaen day kimey ya anawagan kod sikara.”

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”

Aggeo 1:14

Pinabiskeg na Katawan so linawa na balang sakey ed sikara a mangipaalagey lamet ed Timplo: si Zorobabel a gobirnador na Juda; si Josue a Pangulon Pari, tan amin a totoon sinmempet a nanlapud inkibantak dad arum a bansa. Inggapo ray impankimey da ed Timplo na Katawan a Makapanyarin-amin a Dios da,

2 Juan 1:8

Manalwar kayo, pian ag nabalang so nanlingetan yo, no ag ingen naawat yoy nagnap a tumang yo.

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Ecclesiastes 4:10

No atumbay sakey ed sikara, nipaalagey na sakey. Balet no atumba so toon bukbukor to, pangaskasiyay kipapasen to lapud anggapoy mangipaalagey ed sikato.

1 Saray Awaran 19:12

Inkuanen Joab ed kinen Abisai, “No nanengneng mon tataloen ak na saray taga Siria, dago mo ak a tulongan, et no nanengneng ta kan tataloen na saray Ammonita, dagoen ta kan tulongan.