Ecclesiastes 3:4 - Maung A Balita Biblia

⁴ Igegetar toy panaon na panermen tan say panaon na panliket, say panaon na pandageyem tan say panaon na pansayaw,

Maung a Balita Biblia

⁴ Igegetar toy panaon na panermen tan say panaon na panliket, say panaon na pandageyem tan say panaon na pansayaw,

Ecclesiastes 3:4 Referans Kwoze

Saray Taga Roma 12:15

Miliket kayod saray manliliket, tan minangis kid saray mannanangis.

Santiago 4:9

Manermen, manakis, tan mannangis kayo; say panagelek yo salatan yoy pannangis tan say panagliket yo salatan yoy panagermen!

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

Exodo 15:20

Say biin agi nen Aaron, a si propita Miriam, inala toy tamborin to, tinombuk na amin a bibii, nantotogtog iray tamborin tan nansasayaw-sayaw ira.

2 CORINTO 7:10

Ta say ermen a manlalapud Dios omanen toy puso tan mansumpal ed kilalaban, et ag itan nepeg a panermenan! Balet say ermen a manlalapud sankamundoan mansumpal ed patey.

Lucas 1:58

Abalitaan da ray kakaabay tan kakanayon to so baleg a panangasi na Katawan ed sikato, kanyan akiliket irad sikato.

Mateo 11:17

‘Tinogtogan mi kayoy sasayawan, ag ki met sinmayaw; angansion kamiy makapaermen, ag ki met inmakis!’

Mateo 9:15

Inmebat si Jesus, “Manermen sirin iray mibabansal? Andi! Ambegyan wadman ni so nubio, ag ira manermen. Balet onsabi so agew ya ontaynan lay nubio; sikato lad satay panayuno ra.

2 Samuel 6:16

Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

Genesis 21:6

Inkuanen Sara, “Makapagayaga tan makapalek so ginaway Dios ed siak; siopamay makadngel ed saya mielek met ed siak.”

Saray Salmo 30:11

Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

Ecclesiastes 3:5

say panaon na panakdul tan say panaon na panarawian; say panaon na pananguban tan say panaon na ag pananguban.

Ecclesiastes 7:14

Manliket ka no maligen so bilay mo. Balet no nagugunigon ka, nunot mo: iiter na Dios so liket tan say gunigon tan ag mon balut naamtaan no antoy onsoblay a nagawa.

Isaias 40:1

Say Dios tayo kuanto, “Ligliwa yo ray totook, Ligliwa yo ra!

Isaias 40:2

Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.”