Ecclesiastes 3:18 - Maung A Balita Biblia

¹⁸ Ninunot ko a say Dios et susuboken to ray totoo, pian nipanengneng tod sikara ya anggapoy pidomaan dad saray ayayep.

Maung a Balita Biblia

¹⁸ Ninunot ko a say Dios et susuboken to ray totoo, pian nipanengneng tod sikara ya anggapoy pidomaan dad saray ayayep.

Ecclesiastes 3:18 Referans Kwoze

Saray Salmo 73:22

nagmaliw ak ya ambagel a singa ayep ag ta ka atalusan.

Saray Salmo 49:12

Anggan matalonggaring so sakey a too, ag mansiansian mambilay; ompatey nin siansia a singa saray ayayep.

2 Pedro 2:12

Balet sarayan totoo et singa ra atap ya ayayep ya anggapoy kalakal, tan nianak iran eerelen tan papateyen. Dederalen da ray ag da natalusan. Kanyan naderal iran singa atap ya ayayep.

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.

Saray Taga Roma 9:23

Ginawa to ya met a pangipanengneng toy ag miparan kagalangan to diad saray totoon kinasian to, saray imparaan to la ra nen saman a mangawat na kagalangan.

1 Pedro 1:24

Onung na ibabagay Masanton Sulat, “Amin a too singa ra dika, amin a kagalangan da singa ra rosas na dika. Namagaay dika, tan say rosas nalaylay met la,

Saray Taga Roma 3:4

Andi! Nepeg a matoor ed katwaan so Dios anggaman a matilan amin iray katoowan, ta onung na ibabagay Masanton Sulat, “Saray salitam so mangipatnag a maptek ka; tan manalo ka no sikay naakusa.”

Saray Salmo 51:4

Sika labat, anggapo lay arum, so nankasalananan ko, tan ginagawak iray ipapasen mon maoges. Kanyan matonung so panisintinsiam ed siak.

Saray Salmo 49:14

nigetar iran ompatey a singa saray karniro, tan say Patey so magmaliw a pumapastol da. Taloen ira na saray totoon matonung leleg a naboboluk iray laman da ed panaayaman da ray inaatey ya arawi ed kaabungan da.

Say Libro nen Job 40:8

Labay mo a paneknekan ya aliwa ak a matonung— a siak so mankakasalanan tan sika so maptek?

Say Libro nen Job 15:16

Say panggagawa na too ed kaogsan et singa kakainom to na danum; on, marotak tan andi-kakanaan so too.