Ecclesiastes 3:16 - Maung A Balita Biblia

¹⁶ Aliwan saya labat; naimanok met a diad sayan mundo naalmo so kaogsan, anta kaptekan tan katonungan komun so naalmo.

Maung a Balita Biblia

¹⁶ Aliwan saya labat; naimanok met a diad sayan mundo naalmo so kaogsan, anta kaptekan tan katonungan komun so naalmo.

Ecclesiastes 3:16 Referans Kwoze

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

Saray Gawgawa 23:3

Inkuanen Pablo ed sikato, “Kabilen kay Dios, sikan mansimpisimpitan! Wadtan kan manyodyorung a manintinsiad siak onung ed Ganggan, balet sikan dili et susumpaen moy Ganggan diad pangigaganggan mon tibeben da ak.”

Santiago 2:6

Balet nilemlemew yo ray mairap-bilay! Aliwa kasin saray mamayaman so mamapasegsegang ed sikayo tan mangigagayugoy ed sikayod korti?

Mateo 26:59

Ginawa na saray manonan papari tan amin a kabyangay Sanidrin so anggaay nayarian da a mananap na ipakasalanan dad kinen Jesus, pian napapatey da.

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Mikias 2:2

No labay day kaalogan, sakopen da ra; no labay day kaabungan alaen da ra. Maatap so kipapasen na amin a pamilya na balang too odino say kayaryan to.

Isaias 59:14

Apaarawi lay inkatonung, tan ag makaasingger lay kaptekan. Niparokul ed plasa so katwaan, tan anggapod may pasen na inkatoor.

Ecclesiastes 8:9

Anengneng ko ra yan amin nen ninunot ko ray nagagawa ed sayan mundo, say mundo a wala ray totoon walay pakayari, tan nepeg a manirap iray totoon ooleyan da.

Ecclesiastes 5:7

Anggaman ya amayamay iray kogip mo tan saray andi-kanan gawam tan salitam, nepeg mon pagalangan nin siansia so Dios.