Ecclesiastes 2:17 - Maung A Balita Biblia

¹⁷ Kanyan impasen kon anggapoy kabaliksan so bilay, lapud gunigon labat so inter tod siak. Amin et andi-kakanaan; singa ak inmosil labat ed dagem.

Maung a Balita Biblia

¹⁷ Kanyan impasen kon anggapoy kabaliksan so bilay, lapud gunigon labat so inter tod siak. Amin et andi-kakanaan; singa ak inmosil labat ed dagem.

Ecclesiastes 2:17 Referans Kwoze

Ecclesiastes 2:11

Insan ko dinalepdep ya amin iray ginagawak tan say ontan lan impansasagput ko ed impanggagawak. Abirbir kod satan ya anggapoy kakanaan da. Singa ak labat inmosil ed dagem; anggapoy agunggonak.

Jonas 4:8

Nen atagey lay agew, say Dios angipasibuk na ampetapetang a dagem a nanlapud bokig, et si Jonas ngalngali aponaw lapud petang na agew a kinmenad olo to. Kanyan kinaliktan ton sikato lay inatey komun. Inkuanto, “Magmaung nin inatey ak la nen say mambilay ak ni.”

Ecclesiastes 4:2

Ninunot ko a magmaung niy kipapasen da ray inaatey nen saray mabilay.

Habacuc 1:3

Akin et inabuloyan mon nanengneng koy ontan a gunigon? Panon mon nitepel so onnengneng ed satan a maoges a nagagawa? Panagderal tan inkaruksa so nagagawa ed kaliber-liber ko, tan walay kolkolan tan panlalaban ed anggan iner a pasen.

Jonas 4:3

Ontan sirin, Katawan, alam pa lay bilay ko. Magmaung nin ompatey ak la nen say mambilay ak ni.”

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Ecclesiastes 6:9

Sakey yan andi-kakanaan; singa ka onoosil ed dagem. Maung niy panliketan moy antokaman a walad sika nen say mansasalat so pampilalekan mo.

Ecclesiastes 3:16

Aliwan saya labat; naimanok met a diad sayan mundo naalmo so kaogsan, anta kaptekan tan katonungan komun so naalmo.

Ecclesiastes 2:22

Mankikimey tan mapagpaga ka legay bilay mo, et antoy nagunggonam?

Ecclesiastes 1:14

Anengneng kon amin iray agawa diad mundo, et nengneng yo, andi-kakanaan ya amin. Singa oosilan mo so dagem.

Saray Salmo 89:47

Nunot mo pa, Katawan, so katikey na bilay ko; nunot mo ya ompatey ya amiy katoowan a pinalsam.

Say Libro nen Job 14:13

Iyamut mo ak komun ed pasen a panaayaman da ray inaatey; iyamut mo ak diman ya anggad napakepay pasnuk mo, insan iganam so panaon a nunoten mo ak.

1 Saray Arari 19:4

tan nanakar a sanagew ed kalawakan. Tinmonda tan inmirung ed silong na sakey a kiew tan labay to la komun so ompatey. Nampikasi, “Alablabas la ya, Katawan. Babawim lay bilay ko, ta singa ak met la lamlamang inatey!”

Saray Bilang 11:15

No onya niy gawaen mod siak, panangasim ta patey mo ak la, pian ag ak la mantepel na inkaruksam ed siak.”

Ecclesiastes 1:17

Ginetmak ya aralen so pandomaan na pakatalus tan inkakulang-kulang, say kakabatan tan say kaambagelan. Balet naamtaan ko a singa ak onoosil ed dagem.

Ecclesiastes 4:3

Balet lalon maung ni ray ag la ran balut nianak, saray ag dan balut anengneng iray kaogsan a nagagawa diad tapew na dalin.