Ecclesiastes 12:1 - Maung A Balita Biblia

¹ Kanyan nunot yoy Manamalsa yo legan a wala ki nid kalangweran, kasakbayan ya onsabi ray magunigon ya agew tan taon ya ikuanyo, “Ag ak la manliliket ed sayan bilay.”

Maung a Balita Biblia

¹ Kanyan nunot yoy Manamalsa yo legan a wala ki nid kalangweran, kasakbayan ya onsabi ray magunigon ya agew tan taon ya ikuanyo, Ag ak la manliliket ed sayan bilay.

Ecclesiastes 12:1 Referans Kwoze

Saray Tagleey 3:27

Maung a naaralan na sakey a too so mananos manlapud inkaogaw to.

Ecclesiastes 11:8

No andokey so bilay mo nepeg a misalamat ka lapud balang sakey a taon a pambibilay to. Balet nepeg mon nunoten ya andokey niy panaon a sikay inatey nen say panaon a sikay mabilay. Andi-kakanaan ya amin iray onsabi.

Probirbio 22:6

Ibangat mod ogaw no panoy pambilay to, et ag to nalingwanan legan ton mambilay.

Lucas 18:16

Balet tinawag nen Jesus ira may ogogaw tan inkuanto, “Paolyan yo ray ogogaw ya ondagod siak. Ag yo ra sesebelan, ta saray totoon singa sarayan ogogaw so makankien na Panariay Dios.

Saray Salmo 34:11

Gali dia, anak, tan dengel yo ak, ta ibangat ta kayo a mangigalang ed Katawan.

2 Timoteo 3:15

Amtam a nanlapud impanogaw mo, akabatan mo lay Masanton Sulat a makaiter ed sikay kakabatan a mansumpal ed kilalalaban diad panamegley na pananisiad Cristo Jesus.

Saray Salmo 90:10

Pitomploy taon labat so karokey na bilay mi, o walomplo no mabiskeg kami; anggaman ontan, ermen tan segsegang labat so iiter dad sikami; nanagonuyan, anggapo lay bilay mi tan naandipat kami la.

Ecclesiastes 11:10

Ag yo aabuloyan a gunigonen kayo na antokaman odino panliknaen to kayoy kairapan, ta aliwan mabayag so kiwala yo ed kalangweran.

Probirbio 8:17

Inarok iray mangaarod siak; narumog ak na saray maseet a manaanap ed siak.

2 Samuel 19:35

Walomploy taon ko la tan anggapo lay antokaman a makaiter ed siak na liket. Ag ko la nananam so kakanen tan iinomen ko, tan ag ko la narengel so bosis da ray kumakanta. Makabelbelat ak labat ed sika, Kagalang kon Ari.

1 Samuel 2:26

Binmaleg si ogaw a Samuel, tan binmaleg met so panangaroy Katawan tan saray totoo ed sikato.

Genesis 39:2

Walad si Jose sa Katawan, kanyan maaligwas so bilay to. Nanayam ed abung na amo ton Egipsio.

Lucas 1:15

Ta magmaliw a matalonggaring yan too ed arap na Dios. Ag oninom na alak o antokaman a makabuek. Napano la na Ispiritu Santo ya anggan wala nid eges nen ina to.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”

Genesis 39:23

Anggapo lay sakit na olo to may inkargadoy prisowan ed antokaman a nipiad kinen Jose, ta walay Katawan ed kinen Jose tan pinaaligwas tod amin a gagawaen to.

TAGA-EFESO 6:4

Atateng, apiger yoy kagagawa yod anak yo pian ag yo ra napampasnuk. Ingen, pabaleg yo ra onung ed panagdisiplina tan panamilin na Katawan.

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Isaias 26:8

Oonuren miy linawam tan manmamatalek kamid sika; sika labat so pampilpilalekan mi.

1 Samuel 2:18

Si ogaw a Samuel intuloy toy nanlingkur ed Katawan, tan akasolung na ipod a linen.

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

1 Samuel 1:28

Kanyan isaklang ko natan ed Katawan. Legan a mabilay, kayaryay Katawan.” Insan da inggalang diman so Katawan.

Oseas 7:9

et ag da nanaamamtaan a nanaoyusan iray biskeg, lapud sayan gagawaen da. Magano lay anggaan da, et ag da anggan amta.

Say Libro nen Job 30:2

Lalaki ran naoput lay biskeg da; diad inkakapoy da ag da la nayariay mankimey para siak.

1 Saray Arari 14:13

Panermenan na amin a totood Israel, insan da ipompon. Sikato labat so kabyangay pamilya nen Jeroboam a maung so kipompon to, ta bukbukor toy akaliketan na Katawan a Dios na Israel.

Deuteronomio 8:18

Nunot yo a say Katawan a Dios yo so angiter ed sikayo na pakayari a mampayaman. Onyay gagawaen to lapud niy matoor ya anggad natan ed samay impisipanan tod saray lalaki yo.

Nehemias 4:14

Anengneng kon mapaga ray totoo, kanyan inkuankod sikara, saray pangulo ra, tan saray opisyal da, “Ag kayo natatakot ed saray kalaban tayo. Nudnunot yo a matalonggaring tan makapataktakot so Katawan. Milaban kayo a pangyagel yod saray kadalaan yo, saray anak yo, saray kaasawaan yo, tan saray kaabungan yo.”

Saray Salmo 63:6

No mandokdokul ak nanununotan ta ka; nilabi-labi sikay walad isip ko,

Saray Salmo 119:55

Nununoten ta ka no labi, Katawan, tan dadalepdepen koy ganggan mo.

Ecclesiastes 11:2

Mangipoonan kad pigaran lugar—anggan diad amayamay a lugar—ta ag mo amta no antoy onsabin maoges ed sika diad sayan mundo.

2 Samuel 19:36

Ag ak manepeg a mangawat ed satan a baleg a tumang. Kanyan mila ak labat ed sika diad lablabas na Jordan.