Ecclesiastes 11:5 - Maung A Balita Biblia

⁵ No panoy ag mo pakatalus ed inggapo na bilay ed eges na sakey a biin malokun, ontan met so ag mo pakatalus ed gagawaen na Dios ya amalsad amin a bengatla.

Maung a Balita Biblia

⁵ No panoy ag mo pakatalus ed inggapo na bilay ed eges na sakey a biin malokun, ontan met so ag mo pakatalus ed gagawaen na Dios ya amalsad amin a bengatla.

Ecclesiastes 11:5 Referans Kwoze

Juan 3:8

Onsiplug so dagem ed inerman a pasen a labay to, et narengel moy siplug to, balet ag mo amta no iner so panlalapwan tan lalaen to. Ontan met so kipapasey balang sakey a nianak ed Ispiritu.”

Saray Salmo 92:5

Matalonggaring a tuloy iray gawgawam, Katawan! Agaylay kaaralem na saray nunot mo!

Ecclesiastes 8:17

ag mon balut natalusan so kabaliksan na gagawaen na Dios. Anggan antoy gawaen mo, ag mon balut nakabatan. Nayarin ibaga na saray makabat ya amta ray gagawaen na Dios, balet diad katwaan to ag da amta.

Saray Taga Roma 11:33

Agaylay karakel so kayamanay Dios! Ag natokur so kakabatan tan pakatalus to! Ag natalusan iray panagsintinsia tan kagagawa to!

Isaias 40:28

Ag yo amta? Ag yo ni nadngelan? Say Katawan so andi-anggaan a Dios; pinalsa to so sankamundoan. Ag balut nakesawan odino napunaw. Anggapoy makatalus na kanunotan to.

Saray Salmo 104:24

Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

Ecclesiastes 7:24

Panoy pakapikabat na sakey a too ed kabaliksan na bilay? Aralem a tuloy so kabaliksan to, ag nayarin natalusan.

Saray Salmo 40:5

Katawan a Dios mi, amayamay iray ginagawam a para sikami; anggapoy miparad sika! Amayamay iray makapakelaw a planom a para sikami. Ag kon balut nibitla ran amin— dakerakel iran tuloy!

Say Libro nen Job 38:4

Wadman ka nen palsaen koy mundo? No dakel so amtam, ibagam irad siak.

Say Libro nen Job 37:23

Ontan lay kabaleg na pakapanyari na Dios, kanyan ag itayo makaasingger ed sikato; matonung tan maptek so pipiolup tod katoowan.

Say Libro nen Job 5:9

Ag natalusan iray gagawaen ton makapakelaw a bengatla, tan andi-tonda iray gagawaen ton milagro.

Ecclesiastes 1:6

Onsisiplug so dagem ed abalaten, onsisiplug ed baybay—ontetelek tan ompapawil tan pawil-pawil labat ya onsiplug.

Ecclesiastes 1:13

Ginetmak a sukiten tan aralen ya amin iray nagagawa diad tapew na dalin. Say Dios impasen to itayod makapasinagem a kipapasen.

Ecclesiastes 3:10

Amtak iray ambelat a kimey ya inter na Dios ed sikatayo.

Ecclesiastes 3:11

Inggetar toy manepeg a panaon na amin a bengatla. Initdan to tayo na pilalek a mangamta na arapen, balet ag ton balut iter ed sikatayoy kapenek na ayadyarin pakatalus ed saray gagawaen to.

Ecclesiastes 11:4

Say toon manalagar na maung a siplug na dagem tan maung a panaon et anggapoy nitanem ton antokaman a tanaman tan anggapon balut so naani to.