Ecclesiastes 11:10 - Maung A Balita Biblia

¹⁰ Ag yo aabuloyan a gunigonen kayo na antokaman odino panliknaen to kayoy kairapan, ta aliwan mabayag so kiwala yo ed kalangweran.

Maung a Balita Biblia

¹⁰ Ag yo aabuloyan a gunigonen kayo na antokaman odino panliknaen to kayoy kairapan, ta aliwan mabayag so kiwala yo ed kalangweran.

Ecclesiastes 11:10 Referans Kwoze

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

2 Timoteo 2:22

Kanyan paliisan moy maoges iran pilalek na kalangweran. Manseet kan magmaliw a matonung, matoor, maaro, tan mambilay kan mareen, a kaibam iray totoon malinis so puso ran ontatawag ed Katawan.

Ecclesiastes 12:1

Kanyan nunot yoy Manamalsa yo legan a wala ki nid kalangweran, kasakbayan ya onsabi ray magunigon ya agew tan taon ya ikuanyo, “Ag ak la manliliket ed sayan bilay.”

Ecclesiastes 1:14

Anengneng kon amin iray agawa diad mundo, et nengneng yo, andi-kakanaan ya amin. Singa oosilan mo so dagem.

Ecclesiastes 1:2

Tuan andi-kakanaan, andi-kakanaan, kuay Managpulong. Andi-kakanaan so bilay, andi-kakanaan ya amin.

Saray Salmo 39:5

Agaylay katikey na pambilay kon inter mo! Para sika singa anggapo so karokey na intiron bilay ko. Say bilay na too singa labat siplug na dagem;

Say Libro nen Job 20:11

Malangwer tan mabiskeg nen saman so laman to, balet ag mabayag magmaliw a dabuk.

Say Libro nen Job 13:26

Ambelat iray ipapakasalanan mod siak, pati saray ginagawak nen ogaw ak ni.

Saray Salmo 25:7

Pirdonam pa ray kasalanan tan saray lingok nen wala ak nid kalangweran. Lapud ag mangoman a panangarom tan kaabigan mo, Katawan, nunot mo ak pa!

Probirbio 22:15

Inkatoo na saray ogogaw so panggawa ray aliwaliwa tan andi-kakanaan, balet say lewet a pametek ed sikara pagmaliwen to ran makalakal.

Say Libro nen Job 11:12

Onggapon makabat so toon makulang-kulang no ompotiy wawak.

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!