Ecclesiastes 1:3 - Maung A Balita Biblia

³ Antoy nagunggonay too, anggaman a mankimey lan mankimey legan na bilay to?

Maung a Balita Biblia

³ Antoy nagunggonay too, anggaman a mankimey lan mankimey legan na bilay to?

Ecclesiastes 1:3 Referans Kwoze

Ecclesiastes 3:9

Antoy nagunggona na sakey a too ed saray kimey to?

Ecclesiastes 5:16

Sikato ya met so sakey a maoges. Ontaynan tayo a singa insabi tayo. Et antoy nagunggona tayo no mankikimey tayon singa manisingkat na dagem?

Ecclesiastes 2:22

Mankikimey tan mapagpaga ka legay bilay mo, et antoy nagunggonam?

Ecclesiastes 2:11

Insan ko dinalepdep ya amin iray ginagawak tan say ontan lan impansasagput ko ed impanggagawak. Abirbir kod satan ya anggapoy kakanaan da. Singa ak labat inmosil ed dagem; anggapoy agunggonak.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Ecclesiastes 2:19

Nayarin makabat odino makulang-kulang so onsalat ed siak—siopay makaamta? Kayaryanen ton amin iray nansagputan ko tan nalmoan kod sayan mundo lapud kakabatan ko. Andi-kakanaan ya amin.

Habacuc 2:13

Andi-kakanaan so nansasagputan na saray bansan dinadakep yo, tan natetemek ed apoy iray impapaalagey da. Say Katawan a Makapanyarin-amin so nanggawad saya.

Ecclesiastes 9:13

Anengneng ko met ed sayan mundo so sakey a maung ya oliran a nipaakar ed kakabatan, tan ipapasen kon sakey a marakep.

Ecclesiastes 9:6

Kaambas da lan naandi so panangaro, panagbosul, tan say panagabagey da. Ag la ran balut mibali ed antokaman a nagagawa ed sayan mundo.

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

Ecclesiastes 7:11

Balang toon mambibilay nepeg a walay kakabatan to, ta no walaan kay kakabatan singa ka anawir na kayamanan.

Ecclesiastes 6:12

Siopay makaamta no antoy sankaabigan a para sakey a too ed sayan andi-kakanaan tan antikey a bilay ed tapew na dalin—sakey a bilay a naandipat a singa anino? Siopay makapangibaga no antoy nagawad mundo kapatey to?

Ecclesiastes 5:18

Saya so arumogan ko: say sankaabigan a nagawaan na too et say pangan tan say iyinom to, tan say panliket to ed nansagputan to legan na antikey a pambilay ton inter ed sikato na Dios; sikato yay kapalaran na too.

Ecclesiastes 4:3

Balet lalon maung ni ray ag la ran balut nianak, saray ag dan balut anengneng iray kaogsan a nagagawa diad tapew na dalin.

Habacuc 2:18

Antoy kana na sakey a talintaoy dios? Sakey labat a ginawa na sakey a too, et anggapoy nibaga tod sikayo no ag katilaan labat. Antoy kaabigan a niiter na talintao diad panmatalek ed sikato na nanggawad sikato? Say talintao et sakey labat a dios ya ag anggan makasalita.

Ecclesiastes 4:7

Naimanok niy sakey ya andi-kakanaan ed sayan bilay.

1 CORINTO 16:16

ya ontoluk kid sikara, tan diad anggan siopan toon mansasagput tan manlilingkur a singa sikara.

Ecclesiastes 2:18

Anggapoy kabaliksan dad siak iray nansagputan tan nalmoan ko, lapud amtak a nepeg ko ran itilak ed onsalat ed siak.