Deuteronomio 9:14 - Maung A Balita Biblia

¹⁴ Ag mo ak babaaten ed gawaen ko. Ginetmak la ran pateyen pian anggapo lay makanunot ed sikara. Insan ta ka pagmaliwen a sengeg na sakey a bansan lalon baleg tan makapanyari nen say sikara.’

Maung a Balita Biblia

¹⁴ Ag mo ak babaaten ed gawaen ko. Ginetmak la ran pateyen pian anggapo lay makanunot ed sikara. Insan ta ka pagmaliwen a sengeg na sakey a bansan lalon baleg tan makapanyari nen say sikara.

Deuteronomio 9:14 Referans Kwoze

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

Saray Salmo 9:5

Dinusam iray totoon ag manisiad sika tan dineral mo ray totoon maoges; ag la ran balut nanunotan.

Puyan 3:5

Saray manalo nakawesan met iray ampoti, tan ag ko ekaley kangaranan dad libro na bilay. Diad arap na Amak tan saray anghil to, birbiren ko a kayaryan ko ra.

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Saray Salmo 109:13

Ompatey komun ya amiy kabyangay boleg to, tan nalingwanan la komuy ngaran to diad ontombuk a kailalakan.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 14:11

Inkuan na Katawan ed siak, “Ag mo kekerewen a tulongan ko ra yan totoo.

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Deuteronomio 32:26

Pinatey ko la ra komun ya amin, pian anggapo lay makanunot ed sikara.

Esdras 9:14

Kanyan anto niy makasengeg na isumlang mi lamet ed saray ganggan mo tan mangasawa o miasawa ed sarayan maoges a totoo? No gawaen mi ni ya, ompetapetang lay olom ed sikami tan sigput mo kami lan pateyen tan ag mo la abuloyan a walay natilak ed sikami.

Saray Salmo 106:23

Nen imbaga na Dios a deralen to ray totoo to, binaat nen Moises a pinili ton aripen to, et pinakepa na Dios so pasnuk ton maneral ed sikara.

Jeremias 7:16

Inkuay Katawan, “Jeremias, ag mo ipipikasi ra yan totoo. Ag mo ra itatagleeyan o ikekerewan ed siak, ta ag ta ka dengelen.

Isaias 48:19

Singa la komun karakel na buer so karakel na saray kabyangay boleg yo, tan andi-duaruwa komun ya ag ko ran balut impapatey.”