Deuteronomio 8:2 - Maung A Balita Biblia

² Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Maung a Balita Biblia

² Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Deuteronomio 8:2 Referans Kwoze

Santiago 1:3

ta amta yo a say pakasubok ed pananisia yo et lalon pagmaliwen to kayon maanos.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.

Deuteronomio 8:16

Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Exodo 16:4

Say Katawan kuantod kinen Moises, “Natan paoranen ko a manlapud tawen na kakanen a para sikayon amin. Saray totoo et nepeg ya ompaway iran inagew-agew a manala na kanen dan onduga ed sanagew. Diad onya nasubok ko no onuren da kasi iray bilin ko.

Deuteronomio 2:7

“Nunot yo no panoy impamindision na Katawan a Dios yo ed amin a ginagawa yo. Inasikayo to kayo legan yon nanaakar-akar ed sayan maawang a kalawakan. Apataploy taon ya inolup to kayo, tan ag kayon balut kinmulang ed antokaman a nakaukolan yo.

2 Saray Awaran 32:31

Kanyan anggan nen sinmabi ray taga Babilonia a nibakin manosisad nidoma-doman agawa ed bansa to, inabuloyan na Dios si Ezekias a gawaen toy labay ton dili pian nasubok so petepeteg ya inkatoo to.

Exodo 15:25

Masimoon a nampikasi ed Katawan si Moises, et say Katawan impanengneng tod sikato so sakey a poter na kiew. Imbantak nen Moises ed danum imay poter na kiew, et nagmaliw a nayarin inomen la may danum. Diman so angitdan na Katawan na saray ganggan a nepeg dan tombuken, tan diman so anubokan tod sikara.

Santiago 4:10

Mampaabeba kayod arap na Katawan et itanduro to kayo.

Juan 2:25

Ag la nakaukolan ya ipaamta na siopaman ed sikato no antoy inkatoo na anggan siopa, ta kabat to so walad puso na too.

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”

Deuteronomio 29:5

Say Katawan inwanwan to kayod a kalawakan et ag balut dinmaan iray kawes tan saray sandalya yo.

Lucas 18:14

Kuankod sikayo a sayan too sinmempet ya apirdona ray kasalanan to; balet samay Pariseo, andi. Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Amos 2:10

Impaway ta kayo ed Egipto, inwanwan ta kayod kalawakan ya apataplon taon, tan inter kod sikayo so dalin da ray Amorreo.

Isaias 2:17

Mansamput so panagpaatagey na too tan naderal so panagpasirayew na amin a katoowan. Naandipat a sigput iray talintaoy diriyos, tan nitanduro so Katawan labat diad satan ya agew.

Probirbio 17:3

Say balituk tan say pilak susuboken na apoy, tan say puso na too susuboken na Katawan.

Saray Salmo 136:16

Inwanwan to ray totoo to diad imbeltang dad kalawakan; andi-anggaan so panangaro to.

Saray Salmo 106:7

Ag atalusan na saray lalaki mid Egipto iray makapakelkelaw a gawgaway Dios; alingwanan da ray amimpiga-pigan impanengneng na Dios a panangaro tod sikara, tan sinumlang da so Makapanyarin-amin diad Dayat ya Ambalanga.

Saray Salmo 81:7

Tinmawag kayod siak nen nagugunigon kayo, et inlaban ta kayo. Manlapud panaamutan kod bagyo inebatan ta kayo. Diad saray sobul na Meriba, sinubok ta kayo.

Saray Salmo 77:11

Nanunotan ko ray ginagawam, Katawan; natandaan koy makapakelaw iran ginagawam nen saman.

Say Libro nen Job 33:17

Mansasalitay Dios pian napatonda ton mankasalanan iray totoo, tan ag la ra mampaatagey.

2 Saray Awaran 33:12

Nampaabeba nen maniirap, inmasingger ed Katawan a Dios to, insan kinmerew na tulong.

Deuteronomio 13:3

ag yo dedengelen. Say Katawan a Dios yo et ikana to a panubok ed sikayo, pian naamtaan to no kasi inaro yo ed intiron puso yo tan intiron kamarerwa yo.

Deuteronomio 7:18

Ag kayo ontatakot ed sikara; nunot yo may ginawa na Katawan a Dios yo ed ari na Egipto tan amin a totoo to.

Deuteronomio 1:33

anta lawas inonaan to kayo a mananap na pasen a pankampoan yo. Pian nanengneng yoy dalanen yo, nanayam ed onaan yo a sakey a lusek ya apoy no labi tan sakey a lusek a lorem no agew.

Deuteronomio 1:3

Diad ononan agew na kumalabinsakey a bulan na kumaapataplon taon kayari ran tinaynan so Egipto, imbaga nen Moises ed saray totoo iray amin a bengatlan ingganggan na Katawan ya ibaga tod sikara.

Genesis 22:1

Ag abayag, sinubok na Dios si Abraham; tinawag to, “Abraham!” “Wadya ak,” ebat nen Abraham.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

2 Saray Awaran 33:19

Say pikakasi na ari tan say ebat na Dios ed sayan pikakasi, saray ginagawa ton kasalanan tan kaogsan kasakbayan a nagbabawi—saray ginagawa ton pasen a panangigalangan na saray pagano tan saray tanda na diosan Asera, tan saray talintaoy diriyos ya inggagalang to et nikorit iran amin ed Say Awaran da ray Propita.

Exodo 16:35

Saray Israelita nantagano ra na mana ed loob na apataploy taon, ya anggad asabi ray dalin na Canaan a dimay nanayaman da. (

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Saray Bilang 14:33

Apataploy taon a manakar-akar ed kalawakan iray anak yo, manirap ira lapud aliwa kayon matoor ed siak; manakar-akar ira ya anggad ompatey so kaonuran a mabilay ed sikayo.

Saray Huis 2:22

Ikanak ira yan bansa ed panubok kod saray Israelita no matoor irad siak kasi a singa inkatoor na saray atateng da.”

Saray Huis 3:4

Sikaray inkana na Dios ed impanubok tod Israel, pian naamtaan to no ononur kasi odino onsumlang iray Israelita ed saray ganggan na Katawan ya inter tod saray atateng da diad panamegley nen Moises.

Nehemias 9:19

Balet ag mo ra inkaindan dimad kalawakan, lapud baleg so panangasim. Ag mo pinaandi imay lorem odino samay apoy ya angiwanwan ed sikara no labi tan no agew diad impankurang da.

Ezekiel 20:19

Siak so Katawan a Dios yo. Onur yo ray ganggan ko tan saray bilin ko.

Deuteronomio 32:7

“Nunot yo so apalabas, say abaybayag lan panaon nen saman; tepet yod kaamaan yo ta ibaga rad sikayo so agawa, tepet yod saray mamasiken ta ibaga rad sikayo so agawad apalabas.

Saray Salmo 103:2

Kamarerwak, idayew moy Katawan, tan ag mo lilingwanan so ontan lan panangasi to.

Jeremias 2:6

Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.