Deuteronomio 8:14 - Maung A Balita Biblia

¹⁴ manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Maung a Balita Biblia

¹⁴ manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Deuteronomio 8:14 Referans Kwoze

Saray Salmo 106:21

Nilingwanan day Dios ya angilaban ed sikara, diad panamegley da ray makapanyarin gawgawa to ed Egipto.

2 Saray Awaran 26:16

Balet nagmaliw a mapaatagey si Ari Uzias nen pinmalaloy pakayari to; sikato yay makasengeg na inkaderal to. Nileglemew to so Katawan a Dios to nen linmad Timplo a nampool na insinso ed tapew na altar a panagpoolay insinso.

Deuteronomio 8:11

“Manalwar kayo, ta ompan nalingwanan yo so Katawan a Dios yo; onur yo ray amin a ganggan to ya iiter kod sikayo natan.

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Jeremias 2:6

Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.

2 Saray Awaran 32:25

Balet ontan lay impanpaatagey nen Ezekias ta ag to anggan impanengneng so pisasalamat tod Katawan ya amaabig ed sikato. Lapud saya nanliknay kairapan iray totood Juda tan Jerusalem.

Deuteronomio 17:20

Diad onya ag to isipen ya atagey niy kipapasen to nen saray kapara ton Israelita tan niyarawi ed panumlang tod saray ganggan na Katawan diad anggan anton polaing. Diad ontan ombayag so panoley tod Israel, tan kapag onsalat a manoley et manlapud boleg to.

Saray Bilang 15:39

Saray palagoygoy et manangipanunot ira, ta kapag nanengneng yo ra nanunotan yo ray ganggan ko et onuren yo ra; diad satan ag yo ak ikaindan tan ag yo onuren iray labay tan pilalek yo.

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Deuteronomio 8:13

tan dinmakel la ray baka tan saray karniro yo, saray pilak tan balituk yo tan amin a kayaryan yo,

2 Saray Arari 14:10

Natan sika, Amasias, tinalom la ray Edomita, kanyan mapaatagey ka la. Panliketan mo la tay inkabantug mo tan ditan ka lad nanarian mo. Akin et mangigagapo ka niy golo a pakaderalan mo tan saray totoom?”

Saray Salmo 78:7

Diad onya manilalo met irad Dios, ag da nalingwanan iray ginagawa to, tan onuren da lawas iray ganggan to.

Oseas 13:6

Balet nen akaloob kayod marakep a dalin, nampepesel kayo tan nampepenek kayo, insan kayo nagmaliw a mapaatagey tan alingwanan yo ak.

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Deuteronomio 5:6

‘Siak so Katawan a Dios yo ya angipaway ed sikayod Egipto ya akaaripenan yo.

Deuteronomio 6:11

Saray kaabungan et napano ra na maabig iran bengatla ya ag yo ra inkarga, tan wala ray bobun ya ag yo ra kinotkot, tan wala ray kaubasan tan kaolibaan ya ag yo ra intanem. No say Katawan et niyakar to ka yod sayan dalin tan walay amin a labay yon kanen,

Deuteronomio 13:6

“Nayarin anggan say agi yon laki, odino say anak yon laki, odino say anak yon bii odino say asawa yon bii ya inararo yo, odino say kaaro yon malmalet et maamut to kayon tanggoyuren a mangigalang ed arum a diriyos ya ag yo ni ran balut inggalang, sikayo tan saray lalaki yo.

Saray Huis 3:7

Alingwanan na saray Israelita so Katawan a Dios da; nankasalanan irad sikato tan inggagalang da ray talintao nen Baal tan Asera.

2 Saray Arari 17:38

tan ag yo nepeg a lingwanan so impisipanan kod sikayo.

Jeremias 23:27

Abaloan da a diad panamegley na saray ibabaga ran kogip et lingwanan ak na saray totoo, a singa impangilingwan ed siak na saray lalaki ra tan impanlingkur dad kinen Baal.

Daniel 11:12

Mampaatagey lapud impanalo to tan impamatey tod amayamay a sondalo, balet ag mansiansiay panalo to.