Deuteronomio 7:24 - Maung A Balita Biblia

²⁴ Ipatalo tod sikayo ray ari ra. Pateyen yo ra, tan nalingwanan ira. Anggapoy makabaat ed sikay; pateyen yo so balang sakey ed sikara.

Maung a Balita Biblia

²⁴ Ipatalo tod sikayo ray ari ra. Pateyen yo ra, tan nalingwanan ira. Anggapoy makabaat ed sikay; pateyen yo so balang sakey ed sikara.

Deuteronomio 7:24 Referans Kwoze

Josue 23:9

Pinataynan na Katawan iray totood ankakabaleg tan makapanyarin bansa legan na pankukurang yo, et anggapoy akayarin milaban ed sikayo.

Josue 10:8

Inkuan na Katawan ed kinen Josue, “Ag kayo ontatakot ed sikara; impanalo ta kayo lad sikara. Anggapod sikaray nayarin onlaban ed sikayo.”

Deuteronomio 11:25

Inermay laen yod saman a dalin say Katawan a Dios yo et patakoten tod sikayo ray totoo, onung na insipan to, tan anggapoy makalaban ed sikayo.

Josue 10:42

Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Deuteronomio 9:14

Ag mo ak babaaten ed gawaen ko. Ginetmak la ran pateyen pian anggapo lay makanunot ed sikara. Insan ta ka pagmaliwen a sengeg na sakey a bansan lalon baleg tan makapanyari nen say sikara.’

Saray Taga Roma 8:37

Andi! Sarasarag ti ra yan amin a taloen diad panamegley na Dios ya angarod sikatayo!

1 CORINTO 15:57

Balet misalamat itayod Dios a mangiiter ed sikatayoy pananalo diad panamegley na Katawan tayon Jesu-Cristo!

Sofonias 1:4

“Dusaen ko ray totood Jerusalem tan amin a totood Juda. Paandipaten kod man ya amin iray pakanengnengan na panangigalang ed kinen Baal, et anggapo lad satan so makanunot ed anggan siopan parin manlilingkur ed sikato.

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Saray Salmo 9:5

Dinusam iray totoon ag manisiad sika tan dineral mo ray totoon maoges; ag la ran balut nanunotan.

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

Deuteronomio 25:19

Ontan sirin, no niiter lad sikayo na Katawan a Dios yo so dalin tan inyarawi to kayo lad kaatapan ya iter na saray kalaban yod kaliber-liber yo, patey yo ray amin a Amalecita, pian anggapo lay makanunot ed sikara. Ag yo ya lilingoanan!

Exodo 17:14

Insan say Katawan kuantod kinen Moises, “Isulat mo yan impanalo, pian ag nalingwanan. Ibagam ed kinen Josue a sigput kon deralen iray Amalecita.”

Deuteronomio 9:3

Balet sikayon dili nanengneng yo natan a say Katawan a Dios et manayam ed onaan yo a singa manliub ya apoy. Taloen to ra legan a lolooban yo so dalin da, pian napataynan yo ra tan masiglat yo ran napatey onung na insipan to.

Josue 6:2

Inkuan na Katawan ed kinen Josue, “Ipapalimak ed sika so Jerico, pati say ari to tan amin da ray masebeg a sondalo to.

Josue 10:23

Kanyan nilokasan da may ongib, tan impaway da ra may arari ed Jerusalem, Hebron, Jarmut, Lakis, tan Eglon, insan da ra

Josue 10:40

Adakep nen Josue so intiron dalin. Tinalo to ray arari ed kapokdulan a pasen, diad nibokig a palasur, tan diad nisagur ya alusadsar, ontan met ed ampetang a pasen diad abalaten. Anggapoy intilak ton mabilay; pinapatey ton amin iray totoo ed sarayan pasen. Sikato ya so ingganggan na Katawan a Dios na Israel.

Josue 11:17

Limaknab so asakop ton dalin manlapud Palandey na Halak diad abalaten ya asingger ed Edom, anggad Baalgad diad baybay, diad patar na Libano ya abalaten na Palandey na Hermon. Abayag ya akibakal si Josue ed saray arari ed sarayan pasen, balet adakep to ran amin tan pinapatey to ra.

Josue 12:24

tan Tirza—talomplo tan sakey iran amin ya arari.

Josue 21:44

Say Katawan impanari to so kareenan ed intiron dalin onung na insipan tod saray lalaki ra. Anggapoy anggan sakey ed amin a kalaban da ray Israelita so analod sikara, ta impanalo ra na Katawan.

Josue 23:3

Anengneng yo ray amin a ginagawa na Katawan a Dios yo ed amin da ra yan bansa lapud sikayo. Say Katawan a Dios so mibabakal para sikayo.