Deuteronomio 7:2 - Maung A Balita Biblia

² No sikaray pasukoen ed sikayo na Katawan a Dios yo tan taloen yo ra, nepeg yon pateyen iran amin. Ag kayo migagampid sikara, tan ag yo ra kakasian.

Maung a Balita Biblia

² No sikaray pasukoen ed sikayo na Katawan a Dios yo tan taloen yo ra, nepeg yon pateyen iran amin. Ag kayo migagampid sikara, tan ag yo ra kakasian.

Deuteronomio 7:2 Referans Kwoze

Saray Huis 2:2

Ag kayon balut misisipanan ed saray totoon manaayam ed sayan dalin. Nepeg yon igeba iray altar da.’ Balet ag yo sinumpal so imbagak ed sikayo. Sinumlang yo laingen!

Saray Huis 1:24

Akanengneng ira yan ispia na sakey a lakin ompapaway ed siudad tan kuandad sikato, “Ibagam ed sikami no panoy kaloloob ed siudad, et ag mi ka diwiten.”

Josue 10:30

Impanalo met na Katawan iray Israelita ed sayan siudad tan say ari to. Anggapoy inkera ra ya anggan sakey, no ag ta pinatey da ray amin a totood man. Ginawa rad ari na Libna so singa samay ginawa ra ed ari na Jerico.

Josue 2:14

Saramay lalaki kuandad sikato, “Babawien komun na Dios so bilay mi no ag mi tooren so ibaga mi! No ag mo ibagad siopaman so gagawaen mi, isipan mid sika a no inter la na Katawan ed sikami yan dalin, kasian mi kayo, ag mi kayon balut diwiten, sika tan saray kabyangay pamilyam.”

Deuteronomio 23:14

Pansiansia yon malinis onung ed ganggan so kampo yo, ta manaayam ed kampo yo so Katawan a Dios yo a mangyagel ed sikayo tan mangiter ed sikayo na pananalo ed saray kalaban yo. Ag kayo manggagawa na antokaman a mabanday a pangibenegan na Katawan ed sikayo.

2 Samuel 21:2

Saray totood Gabaon et aliwa ran Israelita; melag iran olup na Amorreo ya angisipanan na saray Israelita ya iyagel, balet ginetma nen Saul a pateyen ira lapud ontan lay pilalek ton manggaway pankaabigan da ray totood Israel tan Juda.)

Saray Huis 1:4

tan Juda. Impanalo ra na Katawan ed saray Cananeo tan saray Perezeo, tan tinalo ray samplon libon totoo diad Bezek.

Josue 21:44

Say Katawan impanari to so kareenan ed intiron dalin onung na insipan tod saray lalaki ra. Anggapoy anggan sakey ed amin a kalaban da ray Israelita so analod sikara, ta impanalo ra na Katawan.

Josue 10:42

Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Josue 10:40

Adakep nen Josue so intiron dalin. Tinalo to ray arari ed kapokdulan a pasen, diad nibokig a palasur, tan diad nisagur ya alusadsar, ontan met ed ampetang a pasen diad abalaten. Anggapoy intilak ton mabilay; pinapatey ton amin iray totoo ed sarayan pasen. Sikato ya so ingganggan na Katawan a Dios na Israel.

Josue 10:32

Impanalo na Katawan iray Israelita diad kumadwan agew na impibakal da ed Lakis. Singa samay ginawa ra ed Libna, anggapoy inkera ra, no ag ta pinatey da ray amin a totood man.

Josue 10:28

Diad saman ya agew dinogpaan tan adakep nen Josue so Maceda tan say ari to. Pinapatey to ray amin a totoon walad siudad; anggapoy atilak a mabilay. Ginawa tod ari na Maceda so singa samay ginawa tod ari na Jerico.

Josue 9:24

Inmebat ira, “Ginawa mi ya, lapud naamtaan mi a say Katawan a Dios yo et tuan ingganggan toy aripen ton Moises ya iter tod sikayo yan intiron dalin tan pateyen yo ray totoon manaayam dia legan a mankukurang kayo. Ginawa mi ya lapud antakot kamid sikayo, ompan pateyen yo kami.

Josue 8:24

Pinapatey na saray Israelita iray amin a taga Ai diad kalawakan ya angosilan dad sikara. Insan amawil irad Ai tan pinapatey da ray amin a totood man.

Deuteronomio 13:8

Balet ag yo aabuloyan a natanggoyur to kayo; ag yo anggan dedengelen. Ag yo kakasian o aabageyen, tan ag yo iyaagel.

Deuteronomio 3:3

“Kanyan say Katawan impatalo to met ed sikatayo si Ari Og tan saray totoo to, insan tayo ra pinapatey ya amin.

Saray Bilang 33:52

nepeg yon pataynanen iray amin a manaayam diman. Deral yo ray amin a bato tan mital a talintao ra tan amin a pasen a panangigalangan da.

Genesis 14:20

Nagalang komun so Sankatageyan a Dios ya angiter ed sikay pananalod saray kalaban mo.” Inter nen Abram ed kinen Melkisedek so kakaplo na amin ya asamsam to.

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

Saray Bilang 31:17

Kanyan natan patey yo ray amin a lalakin ogogaw tan saray bibiin asali da lay akiakdul.

Deuteronomio 2:33

balet say Katawan a Dios tayo impatalo to rad sikatayo; pinatey tayoy Sehon, saray anak ton lalaki, tan amin da ray totoo to.

Deuteronomio 2:34

Dinadakep tan dinederal tayo ray amin a baley da, tan pinapatey tayo ray amin a lalaki, bibii, tan saray ogogaw. Anggapoy intilak tayon mabilay ed sikara.

Deuteronomio 7:16

Deral yo ray amin a bansa ya ipatalo ed sikayo na Katawan, tan ag yo ran balut kakasian. Ag yo igagalang iray diriyos da, ta patit ya ed sikayo.

Deuteronomio 19:13

Ag yo kakasian. Paandipat yo yan managpatey na too, pian maung lawas so kipapasen yo.

Deuteronomio 25:12

ag yo kakasian itan a bii; potut yoy lima to.

Deuteronomio 31:5

Panaloen to kayod sikara, et nepeg yon gawaen ed sikaray onung na imbagak ed sikayo.

Deuteronomio 33:27

Say andi-anggaan a Dios so lawas manangyagel yo; saray magnayon a taklay to so sakorung yo. Pinataynan to ray kalaban yo legan yon mankukurang, tan imbaga tod sikayon deralen yo ran amin.

Josue 9:7

Balet inkuan ed sikara na saray lalaki na Israel, “Akin et mipaknaan kamid sikayo? Angangko asingger dia so panaayaman yo.”

Esdras 10:3

Nepeg miy manggaway sinambaan a sipan ed Dios tayo a pataynanen mi ra yan bibii tan saray anak da. Sumpalen mi so antokaman ya isimbawam a gawaen mi, sika tan saray arum a totoon papablien da ray ganggan na Dios. Onuren mi so antokaman ya ibabagay Ganggan na Dios.

Saray Salmo 106:34

Ag da pinatey iray totoon pagano, anta ingganggay Katawan a pateyen da ra.

Saray Bilang 21:2

Insan saray Israelita sinambaan dad Katawan: “No panaloen mo kamin mibakal ed saraman a totoo, sigput min deralen iray siudad da.”

Deuteronomio 9:3

Balet sikayon dili nanengneng yo natan a say Katawan a Dios et manayam ed onaan yo a singa manliub ya apoy. Taloen to ra legan a lolooban yo so dalin da, pian napataynan yo ra tan masiglat yo ran napatey onung na insipan to.

Deuteronomio 13:9

Patey yo! Sikayo so ononan manupak ed sikato, insan tupaken na arum a totoo.

Josue 11:8

Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.

1 Saray Arari 20:34

Inkuanen Ben-hadad ed sikato, “Ipawil kod sika ray baley a sinamsam nen amak ed kinen amam, tan nayaryan moy mamaalagey na panaglakowan ed Damasco, a singa ginawa nen amak ed Samaria.” Inmebat si Acab, “Ibolus ta ka sirin lapud saratan a paknaan.” Akipaknay Acab ed sikato, insan to la imbolus.