Deuteronomio 7:18 - Maung A Balita Biblia

¹⁸ Ag kayo ontatakot ed sikara; nunot yo may ginawa na Katawan a Dios yo ed ari na Egipto tan amin a totoo to.

Maung a Balita Biblia

¹⁸ Ag kayo ontatakot ed sikara; nunot yo may ginawa na Katawan a Dios yo ed ari na Egipto tan amin a totoo to.

Deuteronomio 7:18 Referans Kwoze

Saray Salmo 105:5

Sikayo ran kabyangay boleg nen Abraham ya aripen na Katawan, sikayo ran kabyangay boleg nen Jacob a pinili na Katawan, nunot yo ray makapakelkelaw a milagron ginagawa to, tan saray sintinsian iniiter to.

Deuteronomio 31:6

Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.”

Saray Salmo 77:11

Nanunotan ko ray ginagawam, Katawan; natandaan koy makapakelaw iran ginagawam nen saman.

Deuteronomio 1:29

“Balet inkuankod sikayo, ‘Ag kayo natatakot ed saraman a totoo.

Saray Salmo 78:11

Alingwanan da ray ginagawa to, saray milagron anengneng dan ginagawa to.

Saray Huis 6:13

Inkuanen Gedeon ed sikato, “No walad sikamiy Katawan, akin sirin et onyay agawad sikami? Onung na tinongtong na saray atateng mi, say Katawan impaway to rad Egipto. Akin et anggapo lay singa onman a gawaen natan na Katawan? Inkaindan to kami la tan pinaolyan to kamin ooleyan na saray Madianita.”

Deuteronomio 3:6

Dinederal tayo ray amin a baley tan pinapatey tayo ray amin a lalaki, bibii, tan amin ya ogogaw, a singa ginawa tayod saray baley a kayaryan nen Ari Sehon na Hesbon.

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Saray Bilang 21:34

Say Katawan kuantod kinen Moises, “Ag kayo ontatakot ed sikato. Panaloen ta kayo ed sikato, amin a totoo to, tan dalin to. Gawa yod sikato so singa ginawa yo ed kinen Sehon ya ari da ray Amorreo a nanoley ed Hesbon.”

Deuteronomio 1:30

Iwanwan kayo na Katawan a Dios yo, tan milaban para sikayo, a singa anengneng yon ginawa to ed Egipto

Deuteronomio 31:5

Panaloen to kayod sikara, et nepeg yon gawaen ed sikaray onung na imbagak ed sikayo.

Josue 8:1

Say Katawan kuantod kinen Josue, “Itagar mo ray amin a sondalo tan laka yod Ai. Ag kayo natatakot o nanaandiay biskeg na linawa. Panaloen ta kayo ed ari na Ai; nakayaryan yo ray totoo to, say siudad to, tan say dalin to.

Saray Salmo 77:12

Dalepdepen kon amin iray kimey mo; omamengen kon amin iray makapanyarin ginagawam.