Deuteronomio 7:1 - Maung A Balita Biblia

¹ “Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Maung a Balita Biblia

¹ Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Deuteronomio 7:1 Referans Kwoze

Deuteronomio 31:3

Say Katawan a Dios yo et manayam ed onaan yo tan deralen to ray bansan manaayam diman, pian napanayaman yo so dalin; et si Josue so pangulo yo onung na imbaga na Katawan.

Saray Gawgawa 13:19

Kasumpal ton dineral so pitoran bansa ed dalin na Canaan, inter to ra yan dalin ed saray totoo to

Deuteronomio 4:38

Legan na impankukurang yo, pinapataynan to ray bansan baleg tan makapanyari nen say sikayo pian makaloob kayo tan niiter tod sikayo so dalin da, say dalin a kayaryan yo ni ya anggad natan.

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Deuteronomio 9:1

“Dengel kayo, sikayon totood Israel! Natad sayan agew ngalngali yo la baliwen so Ilog na Jordan tan panayaman so dalin a kayaryan na saray bansan ankabaleg tan makapanyari nen say sikayo. Ankakabaleg iray siudad da ya anggad tawen iray padir da.

Deuteronomio 9:4

“No apataynan la ra na Katawan a Dios yo para sikayo, ag yo ibabagad sikayon dili a pinaloob to kayo ed saman a dalin lapud sikatoy kanepegan yo. Andi, say Katawan et pataynanen ton para sikayo ira yan totoo lapud maoges ira.

Exodo 33:2

Ibakik a mangiwanwan ed sikayo so sakey ya anghil, tan pagiten ko ray Cananeo, saray Amorreo, saray Heteo, saray Pereseo, saray Heveo, tan saray Jebuseo.

Saray Salmo 78:55

Pinataynan to ray totoon manaayam diman nen mankukurang iray totoo to; inapag toy dalin ed saray tribu na Israel, tan inter tod saray totoo to iray panaayaman da.

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Deuteronomio 11:29

No say Katawan niyakar to kayo lad dalin a panayaman yo, nepeg ya ibawag yo manlapud Palandey na Gerizim so bindision tan manlapud Palandey na Ebal so samba. (

Deuteronomio 6:23

Imbolus to kami manlapud Egipto tan inyakar to kami dia tan inter tod sikami yan dalin, onung na insipan tod saray lalaki tayo.

Deuteronomio 6:19

tan pataynan yo ray kalaban yo, onung na insipan to.

Deuteronomio 6:10

“Onung na insipan na Katawan a Dios yo ed saray lalaki yon di Abraham, Isaac, tan Jacob, itdan to kayo na dalin a walaan na saray ankakabaleg tan maaligwas a siudad ya ag yo ra impaalagey.

Deuteronomio 6:1

“Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Saray Bilang 14:31

Imbaga yo a nadakep iray anak yo, balet iyakar ko rad saman a dalin ya ag yo labay, tan sikatoy panayaman da.

Exodo 15:7

Diad talonggaring na katageyan mo tataloen mo ray kalaban mo; ondadalang so pasnuk mo tan popoolan mo ran singa dayami.

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Exodo 23:28

Gawaen kon mangamanga ray kalaban yo; pagiten ko ray Heveo, saray Cananeo, tan saray Heteo legan na pankukurang yo.

Exodo 23:33

Ag yo aabuloyan a manayam ed bansa yo ira man a totoo; no abuloyan yo ra sagyaten da kayon mankasalanan ed siak. No mangigalang kayod saray diriyos da, andi-duaruwan patit ya ed sikayo.”

Levitico 14:34

iray onggendan a totontonen a nipaakar ed saray abung a nabobootan. (Sarayan totontonen et tombuken ira no saray totood Israel et akaloob la ra ed dalin na Canaan ya iter na Katawan ed sikara.)

Deuteronomio 20:16

“Balet no adakep yo la ray siudad ya iiter ed sikayo na Katawan a Dios yo, patey yoy balang sakey a too.

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Josue 11:3

Nampabakian to met iray Cananeon manaayam ed duaran dapag na Jordan, saray Amorreo, saray Heteo, saray Pereseo, tan saray Jebuseo a wala rad kapokdulan a pasen, ontan met ed saray Heveo a manaayam irad alusadsar na Palandey na Hermon diad dalin na Mizpa.

Josue 24:11

Binaliw yoy Jordan tan linma kayod Jerico. Nilabanan kayo na saray lalakid Jerico a singa ginawa na saray Amorreo, Perezeo, Cananeo, Heteo, Gergaseo, Heveo, tan saray Jebuseo. Balet impanalo ta kayod sikaran amin.

1 Saray Arari 16:31

Ag apera ed impangalig tod kasalanan nen Jeroboam; pinalumbasan to ingen, ta inasawa toy Jezebel ya anak nen Ari Etbaal na Sidon, tan angigalang ed Baal.

Nehemias 13:23

Diad saman met a panaon akabatan ko a dakerakel iray Judion lalaki ya angaasawa na saray bibiin taga Asdod, Ammon, tan Moab.

Exodo 23:32

Ag kayo misisipanan ed sikara odino anggan diad saray diriyos da.

Saray Bilang 13:29

Diad niabalaten a parti na saman a dalin saray Amalecita so manaayam; diad kapokdulan iran pasen saray Heteo, Jebuseo, tan saray Amorreo so manaayam; tan diad gilig na Dayat na Mediteraneo tan diad gilig na Ilog na Jordan saray Cananeo so manaayam.”

Deuteronomio 9:3

Balet sikayon dili nanengneng yo natan a say Katawan a Dios et manayam ed onaan yo a singa manliub ya apoy. Taloen to ra legan a lolooban yo so dalin da, pian napataynan yo ra tan masiglat yo ran napatey onung na insipan to.

1 Saray Awaran 1:14

Si Canaan so sengeg na saray Jebuseo, Amorreo, Gergeseo,

2 Saray Awaran 8:7

Saray pinapasoot nen Solomon ya impankikimey et saray kabyangay boleg na saray totoon manaayam ed Canaan ya ag pinatey na saray Israelita nen nilooban day dalin. Kabyangan na sayan boleg iray totoon Amorreo, Heteo, Perezeo, Heveo, tan Jebuseo. Aripen ni ya anggad natan iray kabyangay boleg na sarayan totoo.

Esdras 9:1

Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.