Deuteronomio 6:6 - Maung A Balita Biblia

⁶ Ag yo lilingwanan ira yan ganggan ya iiter kod sikayo natad sayan agew.

Maung a Balita Biblia

⁶ Ag yo lilingwanan ira yan ganggan ya iiter kod sikayo natad sayan agew.

Deuteronomio 6:6 Referans Kwoze

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Probirbio 7:3

Toluk mo lawas so bangat ko; isulat mod pusom.

Deuteronomio 11:18

“Tandaan yo ra yan ganggan tan aro yo ra. Ibariber yo rad saray taklay yo tan iberber yo rad moling yo pian nanunotan yo ra.

Saray Salmo 37:31

Walad puso toy ganggay Dios to, tan ag ton balut sisianan.

2 CORINTO 3:3

Malinew a sikayo so sulat nen Cristo ya impawit ed panamegley mi. Aliwan tinta so impangisulat ed saya, no ag ingen say Ispiritu na mabilay a Dios; tan aliwan diad tapew na baton tapyak so angisulatan, no ag ingen diad pusoy katoowan.

Deuteronomio 32:46

inkuanto, “Pampelengan yon onuren iray ganggan ya inter kod sikayo natad sayan agew. Ibangat yo ra ed saray anak yo, pian matoor da met ya onuren iray amin a bangat na Dios.

Saray Salmo 119:11

Iyootel kod pusok so ganggan mo, pian ag ak mankasalanan ed sika.

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Lucas 8:15

Saramay ilik a dinmapod mabonan dalin aliling day totoon ondedengel ed salitay Dios, insan da aasikasoen ed matoor tan maung a puso ra, tan pansiasiansiaen dan anggad mambunga ra.”

Probirbio 3:5

Manmatalek ka ed Katawan diad intiron pusom. Ag ka manmamatalek ed dilin pakatalus mo.

Lucas 2:51

Kaiba ran pinmawil si Jesus ed Nazaret, tan matoluk ed saray atateng to. Inyatol nen ina to ra yan amin ed puso to.

Saray Salmo 119:98

Walad siak lawas so ganggan mo tan pagmamaliwen to ak a makabat nen saray kalaban ko.

Saray Salmo 40:8

Agaylay liket kon mangoonur na linawam, O Dios ko! Yaatul kod pusok so bangat mo.”

2 Juan 1:2

makasengeg ed katwaan a walad sikatayo tan mansiansian anggad angga ed sikatayo.

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

2 Samuel 22:23

Inonur koy amin a ganggan to; ag ko impolisay iray bilibilin to.

Deuteronomio 11:20

Isulat yo rad saray lusek na kaput na kaabungan yo tan diad saray puirta yo.

Saray Salmo 119:13

Olit-oliten kon ibelyaw ya amin iray ganggan ya inter mo.

Saray Salmo 119:30

Pinilik so pagmaliw kon maonur; inimanok iray sintinsiam.