Deuteronomio 6:24 - Maung A Balita Biblia

²⁴ Insan say Katawan a Dios tayo ingganggan to ya onuren mi ra yan ganggan tan sikatoy takotan mi. No sumpalen mi ra ya, asikasoen to lawas so bansa tayo tan paaliguasen to.

Maung a Balita Biblia

²⁴ Insan say Katawan a Dios tayo ingganggan to ya onuren mi ra yan ganggan tan sikatoy takotan mi. No sumpalen mi ra ya, asikasoen to lawas so bansa tayo tan paaliguasen to.

Deuteronomio 6:24 Referans Kwoze

Jeremias 32:39

Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Saray Salmo 41:2

Iyagel ira na Katawan tan pansiansiaen to ran mambilay; pagmaliwen to ran maliket diad tapew na dalin; ag to ra paolyan a napelag ed pakayari na saray kalaban da.

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Saray Taga Roma 10:5

Onya so insulat nen Moises, nipaakar ed pakapaandi na kasalanay too ed arap na Dios lapud panangonur ed Ganggan: “Mambilay so toon mangoonur ed ibabagay Ganggan.”

Deuteronomio 8:1

“Pampelengan yon onuren iray amin a ganggan ya inter kod sikayo natad sayan agew, pian mansiansia kayon mambilay, ondakel kayo, tan napanayaman yoy dalin ya insipan na Katawan ed saray lalaki yo.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Probirbio 22:4

Igalang moy Katawan tan mampaabeba ka, et nagamuran moy kayamanan, kagalangan, tan andokey a bilay.

Probirbio 9:12

Sikay makalay tumang no walay kakabatan mo, balet sikay manliknay kairapan no ipolisay mo.

Saray Salmo 66:9

Pansiasiansiaen to tayon mabilay ya anggad natan, tan ag to itayo inabuloyan a napelag.

Deuteronomio 8:3

Pinaerasan to kayo, insan to kayo initdan na mana a kanen yo, say tagano ya ag yo nin balut atawayan, sikayo tan saray lalaki yo. Onmay ginawa to pian nibangat to kayo ya aliwan tinapay labat so pambilay na too, no ag ingen mambilay met ed amin a salita na Katawan.

Deuteronomio 4:4

balet sikayon matoor ed Katawan a Dios yo et mabilay ki ni ya anggad natan.

Lucas 10:28

“Dugay ebat mo,” kuanen Jesus. “Onur mo itan et nagamuran moy bilay ya andi-anggaan.”

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Deuteronomio 6:23

Imbolus to kami manlapud Egipto tan inyakar to kami dia tan inter tod sikami yan dalin, onung na insipan tod saray lalaki tayo.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Saray Salmo 41:3

Say Katawan tulongan to ra no mansasakit ira tan paabigen to ra.