Deuteronomio 6:22 - Maung A Balita Biblia

²² Anengneng na dilin mata mi so impanggagawa to na saray milagro tan saray makapataktakot a bengatla ed saray Egipsio, say ari ra, tan diad amin ya opisyal to.

Maung a Balita Biblia

²² Anengneng na dilin mata mi so impanggagawa to na saray milagro tan saray makapataktakot a bengatla ed saray Egipsio, say ari ra, tan diad amin ya opisyal to.

Deuteronomio 6:22 Referans Kwoze

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

Saray Salmo 91:8

Onnengneng ka et naimatunan mo no panoy kadusa da ray totoon maoges.

Deuteronomio 7:19

Nunot yo ra may makapataktakot a salot ya anengneng na dilin mata yo, saramay milagro tan pakelaw, tan samay baleg a pakayari tan biskeg na Katawan a Dios yo ya impangibolus tod sikayo. Pateyen to ra yay totoon tatakotan yo natan a singa impamatey tod saray Egipsio.

Deuteronomio 4:3

Anengneng yon dili so ginawa na Katawan diad Palandey na Peor. Pinatey toy balang sakey a toon angigalang diman ed Baal,

Deuteronomio 3:21

“Insan inkuankod kinen Josue: ‘Anengneng mo ray amin a ginawa na Katawan a Dios mo ed saramay duaran ari a di Sehon tan Og; onman so gawaen to ed balang sakey a too ed dalin a looban yo.

Deuteronomio 1:30

Iwanwan kayo na Katawan a Dios yo, tan milaban para sikayo, a singa anengneng yon ginawa to ed Egipto

Saray Salmo 135:9

Nanggawad man na saray milagro tan pakelaw a panusa tod ari tan amin da ray opisyal to.

Exodo 3:20

Balet ipakanak so pakayarik ed Egipto tan dusaen ko na saray makapataktakot a pakelaw a gawaen kod man. Kasumpal na sarayan nagawa, abuloyan to kayo lan onla.

Deuteronomio 6:21

Ibaga yod satan ed sikara, ‘Aripen kami nen saman na ari na Egipto, et say Katawan impaway to kamid Egipto lapud baleg a pakapanyari to.

Deuteronomio 6:23

Imbolus to kami manlapud Egipto tan inyakar to kami dia tan inter tod sikami yan dalin, onung na insipan tod saray lalaki tayo.

Saray Salmo 136:4

Sikato labat so manggagawad saray ankakabaleg a milagro; andi-anggaan so panangaro to.

Exodo 10:2

Ontan met ginawak ira yan milagro, pian nayarian yon salitaen ed saray anak yo tan saray apo yo so impamaabebak ed saray Egipsio nen nanggagawa ak na saray milagro. Naamtaan yo a siak so Katawan.”