Deuteronomio 6:18 - Maung A Balita Biblia

¹⁸ Gawa yoy amin a maung tan matonung ed arap na Katawan, et maung lawas so kipapasen yo. Nayarian yon kayaryanen so mataban dalin ya insipan na Katawan ed saray lalaki yo,

Maung a Balita Biblia

¹⁸ Gawa yoy amin a maung tan matonung ed arap na Katawan, et maung lawas so kipapasen yo. Nayarian yon kayaryanen so mataban dalin ya insipan na Katawan ed saray lalaki yo,

Deuteronomio 6:18 Referans Kwoze

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Deuteronomio 12:25

No onuren yo yan ganggan, napaliket so Katawan, et maung lawas so kipapasen yo tan saray kabyangay boleg yo.

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Juan 8:29

Kaibak so angibakid siak. Ag to ak tinaynan a mambukbukor, ta gagawaen ko lawas iray makapaliket ed sikato.”

Ezekiel 33:19

No ontondan mankasalanan so toon maoges tan manggawa lay kaptekan tan kamaungan, mambilay lapud saya.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Ezekiel 33:16

Pirdonaen ko ray ginagawa ton kasalanan tan mambilay lapud nanggawa na kaptekan tan kamaungan.

Ezekiel 33:14

Nayarin pasakbayan koy toon maoges a sikatoy ompatey, balet no ontondan mankasalanan tan gawaen toy kaptekan tan kamaungan—

Ezekiel 18:27

No ontondan mankasalanan so toon maoges tan manggawa lay kaptekan tan kamaungan, nilaban to so bilay to.

Ezekiel 18:21

“No say toon maoges et ontondan mankasalanan tan onuren to ray ganggan ko, no gawaen toy kaptekan tan say kamaungan, sikatoy ag ompatey; andi-duaruwan mambilay.

Ezekiel 18:5

“Bilbilang a walan tuay matonung, maung, tan maptek a sakey a too.

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Saray Salmo 19:11

Iitdan to ak ya aripen mo na kakabatan; natutumangan ak diad pangoonur ko.

Deuteronomio 13:18

no onuren yo ray amin a ganggan ya inter kod sikayo diad sayan agew, tan gawaen yo ray amin a matonung.

Deuteronomio 12:28

Pampelengan yon onuren iray amin ya ingganggan kod sikayo, et anggad angga a maung lawas so kipapasen yo, sikayo tan saray kabyangay boleg yo, lapud matonung tan makapaliket ed Katawan a Dios yo so gawaen yo.

Deuteronomio 8:11

“Manalwar kayo, ta ompan nalingwanan yo so Katawan a Dios yo; onur yo ray amin a ganggan to ya iiter kod sikayo natan.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Ezekiel 18:19

“Balet tetepeten yo, ‘Akin et ag nadudusa so anak, lapud kasalanan na ama to?’ Say ebat et lapud nanggawa na kaptekan tan kamaungan so anak. Inonur to ray ganggan ko tan inapiapiger to ran sinumpal, kanyan andi-saew a mambilay.

Deuteronomio 6:19

tan pataynan yo ray kalaban yo, onung na insipan to.

Isaias 38:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray nilabay mon pagawad siak.” Kayari ton nampikasi nanakis na ampaipait.

Deuteronomio 6:10

“Onung na insipan na Katawan a Dios yo ed saray lalaki yon di Abraham, Isaac, tan Jacob, itdan to kayo na dalin a walaan na saray ankakabaleg tan maaligwas a siudad ya ag yo ra impaalagey.