Deuteronomio 5:32 - Maung A Balita Biblia

³² “Sikayo ran totood Israel pampelengan yon sumpalen iray amin ya ingganggan na Katawan a Dios yo. Ag yo susumlangen so anggan dinan a ganggan to.

Maung a Balita Biblia

³² Sikayo ran totood Israel pampelengan yon sumpalen iray amin ya ingganggan na Katawan a Dios yo. Ag yo susumlangen so anggan dinan a ganggan to.

Deuteronomio 5:32 Referans Kwoze

Probirbio 4:27

Arawian moy kaogsan tan mankurang kan mapmaptek. Ag ka onsuasuawi na anggan sakey a kutdang ed maptek a dalan.

Josue 23:6

Kanyan pampelegan yon onuren tan sumpalen iray amin a nisulat ed libro na Ganggan nen Moises. Ag yo papaolyan so anggan anton parti na ganggan,

Josue 1:7

Pabiskeg mo labat so linawam tan manmatalek ka; pampelengan mon onuren so intiron Ganggan ya inter ed sika nen Moises ya aripen ko. Ag mo papaolyan ya onuren so anggan dinan a parti na sayan Ganggan et onaligwas ka ed anggan iner a laen mo.

Deuteronomio 17:20

Diad onya ag to isipen ya atagey niy kipapasen to nen saray kapara ton Israelita tan niyarawi ed panumlang tod saray ganggan na Katawan diad anggan anton polaing. Diad ontan ombayag so panoley tod Israel, tan kapag onsalat a manoley et manlapud boleg to.

Deuteronomio 28:14

Balet ag nepeg a sumlangen yo ra diad anggan anton pamaakaran; ag nepeg met a mangigalang tan manlingkur kayod saray diriyos.

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.

Deuteronomio 24:8

“No akating kayo, apiapiger yon tombuken so ibagad sikayo na Levitan pari; sumpal yo ray bilin ya intilak kod sikara.

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Deuteronomio 11:32

pampelengan yon sumpalen iray amin a ganggan ya iiter kod sikayo natad sayan agew.

Deuteronomio 8:1

“Pampelengan yon onuren iray amin a ganggan ya inter kod sikayo natad sayan agew, pian mansiansia kayon mambilay, ondakel kayo, tan napanayaman yoy dalin ya insipan na Katawan ed saray lalaki yo.

2 Pedro 2:21

Maung ni komun ya ag da akabatay dalan a maptek nen say, anta akabatan da la, et imbeneg day masanton ganggan a niiter ed sikara.

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

2 Saray Arari 21:8

No onuren na saray totood Israel iray amin a bilibilin ko tan sumpalen day intiron Ganggan ya inter ed sikara nen Moises ya aripen ko, ag ko ra abuloyan a napataynan ed dalin ya inter kod saray lalaki ra.”

Deuteronomio 6:25

Makaliket ed sikatayo so Dios, no matoor tayon onuren iray amin ya ingganggan tod sikatayo.’

Deuteronomio 6:3

Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

2 Saray Arari 17:37

Nepeg yon onuren lawas iray ganggan tan saray bilin ya insulat kon para sikayo. Ag yo nepeg a takotan iray arum a diriyos,

2 Saray Arari 22:2

Ginawa nen Josias so makapaliket ed Katawan; inalig to ray ginagawa nen laki ton Ari David, ta mapeget ton inonur ya amin iray ganggan na Dios.

Ezekiel 20:19

Siak so Katawan a Dios yo. Onur yo ray ganggan ko tan saray bilin ko.

Deuteronomio 6:17

Pampelengan yon onuren iray amin a ganggan ya inter tod sikayo.

Deuteronomio 17:11

Awat yo so sintinsia ra tan apiager yon sumpalen so pagagawa ra.

Deuteronomio 29:8

inala tayoy dalin da, tan inapag tayod saray tribu nen Ruben tan Gad, tan diad kapaldua na tribu nen Manases.

Saray Salmo 19:12

Anggapoy toon makanengneng na saray dilin lingo to; ipaliis mo ak pa, Katawan, ed saray niamut a kasalanan!

Saray Salmo 80:19

Papawil mo kami pa, O Katawan a Dios a Makapanyarin-amin. Ipanengneng mo pad sikami so panangasim, et nilaban kami!

Probirbio 3:2

Say bangat ko et itdan to ka na andokey tan maaligwas a bilay.

Isaias 30:21

No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”