Deuteronomio 5:26 - Maung A Balita Biblia

²⁶ Wala tay toon nambilay kayari ton nadngel a nansalitan nanlapud apoy so mabilay a Dios?

Maung a Balita Biblia

²⁶ Wala tay toon nambilay kayari ton nadngel a nansalitan nanlapud apoy so mabilay a Dios?

Deuteronomio 5:26 Referans Kwoze

Deuteronomio 4:33

Wala la kasi ray totoon siansian nambilay a singa sikayo kayariy impakadngel dad dios ya akisalitad sikara manlapud apoy?

Saray Taga Roma 3:20

Ta anggapoy toon nibilang a matonung ed arap na Dios diad panamegley na panangonur toy ibabagay Ganggan. Say gagawaey Ganggan et say pangipapaamta to a nankasalanan so too.

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Mateo 26:63

Balet ag inmesel si Jesus. Inkuanto lamet imay Pangulon Pari, “Diad ngaran na Dios a mabilay, pansambaen ta ka: ibagam ed sikami no talagan sikay Cristo ya Anak na Dios.”

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

Isaias 40:6

Sakey a bosis so mankelyaw, “Ibawag moy balita!” “Antoy balitan ibawag ko?” tepet ko. “Ibawag mo ya amin a katoowan et singa ra dika; ag ira mansiansian singa saray rosas ed uma.

Saray Salmo 84:2

Labalabay kon tuloy so makaloob diman! Pampilpilalekan koy manayam ed Timplo na Katawan. Diad intiron pusok sililiket ak a mankankanta ed mabilay a Dios.

Saray Salmo 42:2

Pampilpilalekan ta ka, say Dios a mabilay. Kapigay pakaonlak ed arap mo a mangigalang ed sika?

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Genesis 6:12

Say Dios ninmengneng ed mundo tan anengneng ton maoges, lapud maoges so pambibilay na amin a katoowan.

Exodo 20:22

Say Katawan ingganggan toy Moises ya ibaga tod saray Israelita: “Anengneng yon dili a siak a Katawan et nansalita ed sikayo manlapud tawen.

Deuteronomio 5:27

Pawil ka, Moises, ta dengel moy amin ya ibaga na Katawan a Dios tayo. Insan ka ompawil dia, ta ibagam ed sikami so imbaga to. Ondengel tan ononur kami.’

Saray Huis 13:22

Inkuanen Manoa ed samay asawa to, “Andi-saew ya ompatey ita, ta anengneng ta lay Dios!”

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

Genesis 32:31

Pinmaway lay agew nen ontataynan lay Jacob manlapud Peniel; mankitley lapud samay tapi to.

Saray Salmo 42:3

Agew-labin manakakis ak, tan saray luak labat so pambibilay ko; saray kalaban ko et pitepet da, “Iner so kawalaay Dios mo?”