Deuteronomio 5:25 - Maung A Balita Biblia

²⁵ Balet akin et iposta mi lamet so bilay mi? Pateyen to kami man ya apoy. Andi-duaruwan ompatey kami no narengel min mansalita lamet so Katawan a Dios tayo.

Maung a Balita Biblia

²⁵ Balet akin et iposta mi lamet so bilay mi? Pateyen to kami man ya apoy. Andi-duaruwan ompatey kami no narengel min mansalita lamet so Katawan a Dios tayo.

Deuteronomio 5:25 Referans Kwoze

Deuteronomio 18:16

“Diad samay agew a nantitipon kayod Palandey na Sinai, kinerew yon ag yo la dengelen a mansalita lamet so Katawan o nengnengen yo so mandarlang a kiwawala to, ta antakot kayo ompan ompatey kayo.

Saray Hebreo 12:29

ta say Dios tayo et manangoput ya apoy.

TAGA GALACIA 3:10

Amin da ray manmamatalek ed panangonur ed Ganggan, wala rad silong na sakey a samba. Ta ibabagay Masanton Sulat, “Nisamba so balang sakey ya ag ononur ed amin a nisulat ed libro na Ganggan!”

Deuteronomio 33:2

Say Katawan nanlapud Palandey na Sinai; inmatagey a singa agew ed tagey na Edom tan sinminag ed saray totoo to manlapud Palandey na Paran. Kaiba to ray samplon libon anghil manliub ya apoy so walad nikawanan to.

Saray Hebreo 12:19

tanul na trumpita, tan sakey a bosis a mansasalita. Nen nadngel na saray totoo may bosis, kinerew dan ag la ra komun makadngel na arum nin salita,

Genesis 3:10

Inmebat imay laki, “Arengel ta kad tanamanan; antakot ak ta labus-lakseb ak, kanyan inamutan ta ka.”

Exodo 20:18

Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Exodo 20:19

Inkuandad kinen Moises, “No mansalita kad sikami, ondengel kami; balet ag mo pansasalitaen ed sikami so Dios, ta ompan ompatey kami.”

Deuteronomio 5:24

tan kuanda, ‘Say Katawan a Dios tayo et impanengneng tod sikatayo so pakapanyari tan kagalangan to nen nadngel min nansalita a nanlapud apoy! Anengneng mi la natan a siansian mambilay so sakey a too, anggaman ya akisalitad sikato so Dios.

Deuteronomio 18:17

Kanyan say Katawan kuantod siak, ‘Maung so kekerewen da.