Deuteronomio 5:14 - Maung A Balita Biblia

¹⁴ balet say kumapiton agew et sikatoy agew na panagpainawa a nisaklang ed siak. Diad sayan agew anggapoy toon mankimey: sika, saray anak mo, saray aripen mo, saray ayep mo, odino saray sangkailin manaayam ed bansam. Nepeg a mampainawa iray aripen mo a singa pampainawam.

Maung a Balita Biblia

¹⁴ balet say kumapiton agew et sikatoy agew na panagpainawa a nisaklang ed siak. Diad sayan agew anggapoy toon mankimey: sika, saray anak mo, saray aripen mo, saray ayep mo, odino saray sangkailin manaayam ed bansam. Nepeg a mampainawa iray aripen mo a singa pampainawam.

Deuteronomio 5:14 Referans Kwoze

Saray Hebreo 4:4

Ta onyay ibabagay sakey a partiy Masanton Sulat, nipaakar ed kumapiton agew: “Diad kumapiton agew, nampainaway Dios ed amin a kimey to.”

Genesis 2:2

Diad loob na anem agew asumpal na Dios a pinalsa ira yan amin, insan diad kumapiton agew nampainawa ed amin a kimey to.

Exodo 23:12

“Mankimey kayo na anem agew ed loob na sakey simba, balet ag kayo mankikimey ed kumapiton agew, pian makapampainawa ray aripen tan saray sangkailin kumikimey yo, a pati saray ayayep yo.

Nehemias 13:21

Pinasakbayan ko ra, “Akin et wadya kayo? No gawaen yo niy onya dusaen ta ki la.” Nanlapu lad saman ag la ra pinmawil ed Agew na Panagpainawa.

Nehemias 5:5

Nampaparay dala mi, sikami tan saray kapara min Judio. Anggapoy pidomaan na saray anak mi ed saray anak da. Balet akin et nakaukolan a gawaen min aripen iray anak mi? Nilako lan aripen iray arum ya anak min bibii. Pangaskasiyan kami, lapud nala la ray kaalogan tan kaubasan mi.”

Nehemias 13:15

Diad saman a panaon akanengneng ak ed Juda na saray totoon mamepespes na ubas no Agew na Panagpainawa. Saray arum papanoen day beneg na saray asno ra na trigo, alak, ubas, igos, tan arum ni ran bengatla, insan da iyaakar ed Jerusalem; pinasakbayan ko ran ag ira mangilalako ed saman ya agew.

Marcos 2:27

Insan kuanen Jesus, “Say Agew na Panagpainawa so niletneg a pankaabigay too; say too ag pinalsa a para Agew na Panagpainawa.

Lucas 23:56

Kasumpal to, sinmempet ira tan angiparaan iray pabalingit tan mira a para samay bangkay. Nen Agew na Panagpainawa, nampainawa ra, onung na ibabagay Ganggan.

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Deuteronomio 5:13

Anem agew a makapankimey ka,

Nehemias 13:16

Wala ray pigaran totoon taga siudad na Tiro a manaayam ed Jerusalem a mangaawit irad siudad na saray sira tan amin a klasin sasaliwen, ta ilalako rad saray totoo mi no Agew na Panagpainawa.