Deuteronomio 5:13 - Maung A Balita Biblia

¹³ Anem agew a makapankimey ka,

Maung a Balita Biblia

¹³ Anem agew a makapankimey ka,

Deuteronomio 5:13 Referans Kwoze

Ezekiel 20:12

Ginawak a say panngilin ed Agew na Panagpainawa et tanda na paknaan mi, pian mangipanunot ed sikara a siak a Katawan so mamapasanto ed sikara.

Lucas 23:56

Kasumpal to, sinmempet ira tan angiparaan iray pabalingit tan mira a para samay bangkay. Nen Agew na Panagpainawa, nampainawa ra, onung na ibabagay Ganggan.

Exodo 23:12

“Mankimey kayo na anem agew ed loob na sakey simba, balet ag kayo mankikimey ed kumapiton agew, pian makapampainawa ray aripen tan saray sangkailin kumikimey yo, a pati saray ayayep yo.

Exodo 20:9

Anem agew a makapankimey ka,

Exodo 34:21

“Walay anem agew a pakapankimey yo, balet mampainawa kayo no kumapiton agew, anggan panaon na panagbaka odino panagani.

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Deuteronomio 5:12

“Ngilinan moy Agew na Panagpainawa tan ipasen mon masanto, onung na ingganggan ko, siak a Katawan a Dios mo, ed sika.

Deuteronomio 5:14

balet say kumapiton agew et sikatoy agew na panagpainawa a nisaklang ed siak. Diad sayan agew anggapoy toon mankimey: sika, saray anak mo, saray aripen mo, saray ayep mo, odino saray sangkailin manaayam ed bansam. Nepeg a mampainawa iray aripen mo a singa pampainawam.