Deuteronomio 4:45 - Maung A Balita Biblia

^45-46 Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Maung a Balita Biblia

^45-46 Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Deuteronomio 4:45 Referans Kwoze

Saray Salmo 119:111

Andi-anggaan a tawir ko iray ganggan mo; sikaray liket na pusok.

Saray Salmo 119:24

Saray bilibilin mo paliliketen da ak, sikaray manisimbawad siak.

Saray Salmo 119:22

Ipaliis mo ak pad saray panagpabaing tan panagbalaw da, ta inonur ko ray ganggan mo.

Saray Salmo 119:14

Panliliketan ko niy mangonur ed saray ganggan mo, nen say pakagamur koy baleg a kayamanan.

Saray Salmo 119:7

Legan kon aaralen iray matonung a sintinsiam, idayew ta ka diad panamegley na malinis a pusok.

Saray Salmo 119:5

Agaylay pampipilalek kon matoor ak komun ed pangonur kod saray bilibilin mo!

Saray Salmo 119:2

Maliket iray manusumpal na saray ganggan to, saray mangoonur ed sikato ed intiron puso ra.

1 Saray Arari 2:3

sumpal moy amin ya iganggan ed sika na Katawan a Dios mo. Toluk mon amin iray ganggan tan bilin to onung na nisulat ed Ganggan nen Moises, pian onaligwas ka ed antokaman a gawaen mo, inerman so laen mo.

Deuteronomio 6:20

“Diad arapen a panaon saray anak yo tepeten dad sikayo, ‘Akin et say Katawan a Dios tayo et ingganggan ton onuren tayo ra yan amin a ganggan?’

Deuteronomio 6:17

Pampelengan yon onuren iray amin a ganggan ya inter tod sikayo.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:44

Inter nen Moises ed saray totood Israel iray ganggan tan saray bangat na Dios.