Deuteronomio 4:36 - Maung A Balita Biblia

³⁶ Inabuloy ton narengel yo so bosis ton nanlapud tawen pian nabilin to kayo; tan diad tapew na dalin inabuloy ton nanengneng yo so masanton apoy to, tan akisalitad sikayo manlapud saman ya apoy.

Maung a Balita Biblia

³⁶ Inabuloy ton narengel yo so bosis ton nanlapud tawen pian nabilin to kayo; tan diad tapew na dalin inabuloy ton nanengneng yo so masanton apoy to, tan akisalitad sikayo manlapud saman ya apoy.

Deuteronomio 4:36 Referans Kwoze

Exodo 19:19

Kinmasil lan kinmasil so tanul na trumpita. Nansalitay Moises, et inmebat ed sikato so Dios diad panamegley na karul.

Exodo 19:9

Say Katawan kuantod kinen Moises, “Onla ak ed sika diad panamegley na makapal a lorem, pian narengel na saray totoo so pitongtong kod sika tan manlapud natan sisiaen da ka.” Imbaga nen Moises ed Katawan so ebat na saray katoowan,

Nehemias 9:13

Manlapud tawen inmakseb kad Palandey na Sinai, insan kad man akisalitad saray totoo; initdan mo ra na saray maung a ganggan, saray maptek a bangabangat.

Deuteronomio 4:33

Wala la kasi ray totoon siansian nambilay a singa sikayo kayariy impakadngel dad dios ya akisalitad sikara manlapud apoy?

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Saray Hebreo 12:18

Ag kayo inmasingger, a singa inyasingger na saray Israelita nen saman, ed sakey a palandey a nayarin diwiten—diad Palandey na Sinai a kawalaay manliub ya apoy, bilonget tan ermen, maksil a dagem,

Exodo 24:16

Linmeksab ed palandey so kagalangan na Katawan. Anengneng na saray Israelita imay kagalangan na Katawan a singa apoy a manliub ed toktok na palandey. Say lorem kinobutan to so palandey ed loob na anemiran agew, tan diad kumapiton agew say Katawan manlapud lorem tinawag toy Moises.

Deuteronomio 8:5

Nunot yo a say Katawan a Dios yo et dusaen to kayo a singa pandusa na ama ed saray anak to.

Exodo 19:18

Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

Deuteronomio 4:12

Ibaga yod sikara no panoy impisalitay Katawan ed sikayo manlapud apoy, no panoy impakadngel yon nansalita balet ag yon balut anengneng.

Deuteronomio 4:15

“Anggapon balut so anengneng yo nen say Katawan et akisalitad sikayo manlapud apoy diad Palandey na Sinai. Kanyan manalwar kayo,