Deuteronomio 4:31 - Maung A Balita Biblia

³¹ Sikatoy mapangasin Dios. Ag to kayo ikaindan o pateyen, tan ag to lingwanan so impisipanan tod saray lalaki yo.

Maung a Balita Biblia

³¹ Sikatoy mapangasin Dios. Ag to kayo ikaindan o pateyen, tan ag to lingwanan so impisipanan tod saray lalaki yo.

Deuteronomio 4:31 Referans Kwoze

Saray Salmo 116:5

Mapangasi tan matonung so Katawan; maabagey so Dios tayo.

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

Jonas 4:2

Kanyan nampikasi, “Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Nehemias 9:31

Anggaman ontan, ag mo ra inkaindan o dineral, lapud baleg so panangasim. Maaro tan mapangasi ka a Dios!

2 Saray Awaran 30:9

No ompawil kayo ed Katawan, saray kakanayon to et kasian ira na saray anakep ed sikara, tan papawilen da ra. Mapangasi tan maaro so Katawan a Dios yo, kanyan no ompawil kayod sikato, awaten to kayo.”

Levitico 26:42

nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

Deuteronomio 31:6

Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.”

Lucas 1:72

Imbaga to met a kasian to ray lalaki tayo, tan nunoten toy masanton impisipanan to.

Jeremias 14:21

Nunot mo pa ray sipan mo, tan ag mo kami pa babalawaen; ag mo pa ipepelag ed kababaingan so Jerusalem say pasen a kawalaay mapagalang a tronom. Sumpal mo pa may impisipanan mod sikami, tan ag mo pa dederalen.

Saray Salmo 111:9

Imbolus to ray totoo to, tan andi-anggaan so impisipanan tod sikara. Sikatoy masanto tan makapanyari!

Saray Salmo 111:5

Iitdan toy kakanen iray mangigagalang ed sikato; nununoten to lawas so impisipanan to.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Saray Bilang 14:18

‘Siak, a Katawan, et aliwan maipapasnuk, tan ipanengneng ko so baleg a panangaron ag mangoman, tan pirdonaen ko so kasalanan tan say pananumlang. Balet andisaew a dusaen ko ray anak tan saray apo ya anggad kumatlo tan kumapat a kailalakan lapud saray kasalanan da ray atateng da.’

Levitico 26:45

Pasimbaloen koy impisipanan kod saray lalaki ra nen impanengneng kod amin a bansa so pakayarik diad impangipaway kod saray totook manlapud Egipto, pian siak a Katawan so magmaliw a Dios da.”

Nehemias 1:5

“Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Saray Salmo 105:8

Sumpalen toy impisipanan to ya anggad angga, saray sipan to ya anggad nilibon kailalakan.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

Levitico 26:44

Balet anggaman ontan, no wala ni rad dalin na saray kalaban da, ag ko ra sigput ya ikaindan, ni deralen. Ta no sigput ko ran ikaindan mangangga so impisipanan kod sikara, et siak so Katawan a Dios da.

Saray Salmo 103:8

Maaro tan mapangasi so Katawan, aliwan maipapasnuk tan napno na ag mangoman a panangaro.

Saray Salmo 111:4

Ag ipapalingwan na Katawan iray makapakelaw a kimey to; sikatoy mapangasi tan maabagey.

Jeremias 30:11

Laen ta kayon iyagel. Deralen kon amin iray bansan angikayatan kod sikayo, balet ag ta kayo deralen. Ag ko abuloyan ya ag kayo nadusa; balet no dusaen ta kayo, gawaen ko onung ed katonungan. Siak, say Katawan, so nansalita.”

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”