Deuteronomio 4:30 - Maung A Balita Biblia

³⁰ No nagugunigon kayo la tan nagagawa lad sikayo ra yan amin, ompawil kayo lamlamang ed Katawan tan onuren yo.

Maung a Balita Biblia

³⁰ No nagugunigon kayo la tan nagagawa lad sikayo ra yan amin, ompawil kayo lamlamang ed Katawan tan onuren yo.

Deuteronomio 4:30 Referans Kwoze

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Jeremias 23:20

tan ag ontonda ya anggad nasumpal toy labay ton gawaen. Diad saray agew ya onsabi natalutalusan ya na saray totoo to.”

Jeremias 7:23

Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Isaias 1:19

No onuren yo ak, kanen yo ray maabig a bengatlan bungay dalin.

Deuteronomio 31:29

Amtak a kayariy ipatey ko saray totoo et magmaliw iran maoges tan ipolisay day imbabangat kod sikara. Et diad onsabin panaon nadalan ira na deral, lapud pampasnuken day Katawan diad panggawa ray isesebel to.”

Genesis 49:1

Impaawit nen Jacob iray anak ton lalaki tan kuanto, “Gali diad abay ko, ta ibagak so nagawad sikayo diad arapen a panaon:

Saray Bilang 24:20

Insan diad sayan nipasingayew ed kinen Balaam anengneng to ray Amalecita, tan imbalikas to yan propisiya: “Say Amalec so sankamakapanyarian nen saman ed amin a bansa. Balet diad kaonuran naderal ya anggad angga.”

Saray Hebreo 1:2

Balet diad sarayan kaonuran ya agew, say Dios nansalitad sikatayo diad panamegley na Anak to. Pinalsa na Dios so sankamundoan diad panamegley na Anak, a pinili ton manawir na amin a bengatla.

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

Zacarias 6:15

Ondagon ontulong ed pangipaalagey lamet ed Timplo iray totoon manaayam ed arawin dalin. Et no asumpal lan nipaalagey lamet, naamtaan yod satan ya imbaki ak ed sikayo na Katawan a Makapanyarin-amin. Nagawa ra yan amin no sigput yon onuren iray ganggan na Katawan a Dios yo.

Daniel 10:14

Linma ak dia, ta ipatalus kod sikay nagawad saray totoom diad arapen a panaon. Sikato yay pasingayew a nipaakar ed arapen a panaon.”

Saray Tagleey 3:40

Sukimaten tayoy kabibilay tayo, insan ompawil itayod Katawan.

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Deuteronomio 30:10

balet nakaukolan ya onuren yo tan sumpalen yo ray amin a ganggan to a nisulat ed sayan libro na saray bangat to. Nakaukolan a masimsimoon so ipawil yod sikato.

Exodo 18:8

Imbaga nen Moises ed kinen Jetro iray amin a ginagawa na Katawan ed ari tan saray Egipsio diad impangyagel tod saray Israelita. Imbaga to met no panoy impanirap na saray totoo ed dalan tan no panoy impangilaban na Katawan ed sikara.

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

Deuteronomio 30:2

No sikayo tan saray kabyangay boleg yo et ompawil kayod Katawan tan masimsimoon yo lan onuren ira yan ganggan to ya iiter kod sikayo natad sayan agew,

Deuteronomio 31:21

et amayamay a makapataktakot a deral so ondalan ed sikara. Balet nakanta yan kanta, tan magmaliw a sakey a tasi a sumpad sikara. Anggan natan, kasakbayan ko ran iyakar ed dalin ya insipan kod sikara, amtak la so nununoten da.”

Saray Salmo 18:6

Nen asabian ak na segsegang, tinmawag ak ed Katawan; kinmerew ak ed Dios ko na tulong to. Diad timplo to dinengel toy bosis ko; dinengel toy ikekerew koy tulong.

Saray Salmo 59:16

Balet ikantak so nipaakar ed biskeg mo; kinabwasan ya ikantak a maksil so nipaakar ed ag mangoman a panangarom. Sikay salimbengan ko, say siroman diad panaoy gunigon ko.

Saray Salmo 107:6

Insan diad inkagunigon da, tinmawag irad Katawan, et inyagel to rad paniirap da.

Saray Salmo 107:13

Insan diad inkagunigon da, tinmawag irad Katawan, et inyagel to rad paniirap da.

Jeremias 4:1

Say Katawan kuanto, “Totood Israel, no labay yoy mampatauli, pawil kayod siak. No ekalen yo ray talintaon kabosul ko, tan magmaliw kayon matoor ed siak.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Nehemias 1:9

Balet no ompawil kayod siak tan onuren yo ray ingganggan kod sikayo, papawilen ta kayod sayan pasen a pinilik a pangigalangan ed siak, anggaman ya ataytayak kayod inerman a sokung na mundo.’