Deuteronomio 4:29 - Maung A Balita Biblia

²⁹ Diman yo anapen so Katawan a Dios yo et no ipuspuso yon anapen, narumog yo.

Maung a Balita Biblia

²⁹ Diman yo anapen so Katawan a Dios yo et no ipuspuso yon anapen, narumog yo.

Deuteronomio 4:29 Referans Kwoze

Saray Salmo 119:2

Maliket iray manusumpal na saray ganggan to, saray mangoonur ed sikato ed intiron puso ra.

2 Saray Awaran 15:4

Balet nen sinmabiy segsegang, sinmingger irad Katawan a Dios na Israel. Inanap da et arumog da.

Saray Salmo 119:10

Lilingkuran ta ka ed intiron pusok; ag mo ak pa aabuloyan ya onsumlang ed saray ganggan mo.

Deuteronomio 30:10

balet nakaukolan ya onuren yo tan sumpalen yo ray amin a ganggan to a nisulat ed sayan libro na saray bangat to. Nakaukolan a masimsimoon so ipawil yod sikato.

Joel 2:12

“Balet anggan natan,” kuay Katawan! “masimoon kayon magbabawi tan pawil kayod siak a manaayuno, mannangnangis, tan maneermen kayo.

Saray Salmo 119:145

Diad intiron pusok ontatawag ak ed sika, O Katawan; ebatan mo ak pa, et onuren ko ray ganggan mo!

Saray Salmo 119:58

Kekerewen kod sika ed intiron pusok a kasian mo ak pa onung na insipan mo!

Jeremias 3:10

Kayari na sarayan amin, say Juda ya aliwan matoor a biin agi na Israel, nankonkonwarin ompawil ed siak; aliwan masimoon so impawil tod siak. Siak, say Katawan, so nansalita.”

Nehemias 1:9

Balet no ompawil kayod siak tan onuren yo ray ingganggan kod sikayo, papawilen ta kayod sayan pasen a pinilik a pangigalangan ed siak, anggaman ya ataytayak kayod inerman a sokung na mundo.’

2 Saray Awaran 31:21

Maaligwas si Ezekias, lapud antokaman a ginagawa to nipaakar ed Timplo odino pangonur tod Ganggan, ginagawa to lapud masimoon ya inkatoor tan panangaro tod Dios to.

2 Saray Awaran 15:15

Maliket iray amin a totood Juda, lapud akisipanan ira diad intiron puso ra. Nanliket iran nanlilingkur ed Katawan; inawat ira sirin na Katawan tan impanari toy kareenan ed amin a pasen.

2 Saray Awaran 15:12

Akisipanan ira a diad intiron puso tan kamarerwa ra panlingkuran day Katawan a Dios na saray lalaki ra, tan nepeg a pateyen so

2 Saray Arari 10:31

Balet aliwan masimoon so impangonur nen Jehu ed saray ganggan na Katawan, say Dios na Israel; inalig to ingen si Jeroboam ya angilagyat a nankasalanan so Israel.

2 Saray Arari 23:3

Nanalagey ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro. Insipan met na amin a totoo a sumpalen da so sipanan.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Deuteronomio 11:13

“Kanyan sirin, onur yo ray ganggan ya inter kod sikayo natad sayan agew; aro yo so Katawan a Dios yo tan manlingkur kayod sikato ed intiron puso yo tan intiron kamarerwa yo.

Deuteronomio 26:16

“Natad sayan agew say Katawan a Dios yo igaganggan to kayon mangonur ed amin da ray ganggan to; sumpal yo ra ed intiron puso yo tan kamarerwa yo.

Josue 22:5

Pampelengan yon onuren so ganggan ya inter ed sikayo nen Moises: aro yoy Katawan a Dios yo, onur yoy linawa to, sumpal yo ray ganggan to, nepeg a matoor kayo lawas ed sikato, tan lingkuran yo ed intiron puso tan kamarerwa yo.”

Nehemias 9:27

kanyan inyabuloy mon nadakep tan naoleyan ira na saray kalaban da. Nen wala rad segsegang kinmerew irad sika na tulong, et manlapud tawen dinengel mo ra. Lapud baleg a panangasim initdan mo ra na saray pangulo ya angyaagel ed sikarad saray kalaban da.

Jeremias 51:50

Say Katawan kuantod saray totoo ton walad Babilonia: “Apaliisan yoy patey! Laki la natan! Ag kayo la manaabala! Anggaman ya arawdawi kayod bansa yo, nudnunot yo ak a Katawan yo, tan say Jerusalem.

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Amos 5:4

Say Katawan kuantod saray totood Israel, “Dago kayod siak, et mambilay kayo.

1 Samuel 7:3

Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.