Deuteronomio 4:15 - Maung A Balita Biblia

¹⁵ “Anggapon balut so anengneng yo nen say Katawan et akisalitad sikayo manlapud apoy diad Palandey na Sinai. Kanyan manalwar kayo,

Maung a Balita Biblia

¹⁵ Anggapon balut so anengneng yo nen say Katawan et akisalitad sikayo manlapud apoy diad Palandey na Sinai. Kanyan manalwar kayo,

Deuteronomio 4:15 Referans Kwoze

Isaias 40:18

Siopay nayarin pangiparaan ed Dios? Antoy kapara to?

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

Jeremias 17:21

Ibagam ed sikara a no inaro ray bilay da, ag ira mansasakbat na antokaman no Agew na Panagpainawa; ag ira manawit na bengatlan idalan dad saray puirta na Jerusalem,

Probirbio 4:27

Arawian moy kaogsan tan mankurang kan mapmaptek. Ag ka onsuasuawi na anggan sakey a kutdang ed maptek a dalan.

Probirbio 4:23

Alwaran moy panagnunot mo; say panagnunot mo so mangooksuy na bilay mo.

Saray Salmo 119:9

Panon a napansiansia na tobun-balo so bilay ton malinis? Diad panamegley na pangonur tod saray ganggan mo.

Josue 23:11

Pampelengan yo sirin ya aroen so Katawan a Dios yo.

Deuteronomio 4:12

Ibaga yod sikara no panoy impisalitay Katawan ed sikayo manlapud apoy, no panoy impakadngel yon nansalita balet ag yon balut anengneng.

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Exodo 19:1

Saray Israelita tinaynan day Refidim tan diad ononan agew na kumatlon bulan kayari na impanaynan dad Egipto, sinmabi rad kalawakan na Sinai. Nankampo rad man ed alusadsar na Palandey na Sinai.

Exodo 20:4

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Deuteronomio 4:14

Imbagad siak na Katawan ya ibangat kod sikayo ray amin a ganggan a nepeg yon onuren ed dalin a ngalngali yo la looban tan panayaman.

Deuteronomio 5:8

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum ed dalem na dalin.

Deuteronomio 4:36

Inabuloy ton narengel yo so bosis ton nanlapud tawen pian nabilin to kayo; tan diad tapew na dalin inabuloy ton nanengneng yo so masanton apoy to, tan akisalitad sikayo manlapud saman ya apoy.

Deuteronomio 5:4

Manlapud apoy diad toktok na palandey say Katawan akisalitan lupa-lupaan ed sikayo.

Deuteronomio 9:10

Insan say Katawan inter tod siak iray may duaran tapyak a baton angitatakan na dilin lima to na saramay imbaga tod sikayo manlapud apoy nen nantitipon kayod man ed palandey.

Deuteronomio 10:4

Insan say Katawan intatak tod saramay bato iray salitan intatak to la ed saramay inmonan bato, salanti saray Samploran Ganggan ya inter tod sikayo nen akisalitad sikayo manlapud apoy diad samay agew a nantitipon kayod palandey. Inter ed siak na Katawan ira may tapyak a bato,

1 Saray Arari 19:12

Kayari to may yegyeg walay pool—balet andid man ed pool so Katawan. Kayariy pool walay makalkalnan esaes na bosis.