Deuteronomio 4:10 - Maung A Balita Biblia

¹⁰ so nipaakar ed samay agew na impanalagey yo ed arap na Katawan a Dios yo diad Palandey na Sinai nen inkuantod siak, ‘Tipon mo ray totoo. Labay kon narengel day labay kon ibaga, pian naaralan day ontoluk ed siak legay pambilay da tan nibangat dan ontoluk met ed siak iray anak da.’

Maung a Balita Biblia

¹⁰ so nipaakar ed samay agew na impanalagey yo ed arap na Katawan a Dios yo diad Palandey na Sinai nen inkuantod siak, Tipon mo ray totoo. Labay kon narengel day labay kon ibaga, pian naaralan day ontoluk ed siak legay pambilay da tan nibangat dan ontoluk met ed siak iray anak da.

Deuteronomio 4:10 Referans Kwoze

Exodo 19:9

Say Katawan kuantod kinen Moises, “Onla ak ed sika diad panamegley na makapal a lorem, pian narengel na saray totoo so pitongtong kod sika tan manlapud natan sisiaen da ka.” Imbaga nen Moises ed Katawan so ebat na saray katoowan,

Deuteronomio 17:19

Nepeg a sayan libro et wala lawas ed abay to tan basaen ton naynay legan a mabilay, pian naaralan toy ontakot ed Katawan tan matoor ton naonur iray amin a ganggan a logan to.

Deuteronomio 5:2

Diad Palandey na Sinai akisipanan so Katawan a Dios tayo,

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Exodo 20:18

Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Exodo 19:16

Diad kabwasan na kumatlon agew walay karul tan kirmat, pinmatnag ed palandey so makapal a lorem, tan nadngel so makmaksil a tanul na trumpita. Amin da ray katoowan ed kampo et manggiwgiw irad takot da.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Puyan 19:5

Insan walay nansalitan nanlapud trono ya inkuanto, “Idayew yoy Dios tayo, sikayon amin ya aripen to, sikayon amin a mangigagalang ed sikato, matalonggaring man o andi!”

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.

Deuteronomio 14:23

Insan kayo onla ed sakey a pasen a pinili na Katawan a Dios yo a pangigalangan ed sikato; et diad arap tod man akan yoy kakaplo na trigo yo, alak yo, larak na oliba yo, tan besag ya anak na baka tan karniro yo. Gawa yoy onya pian naaralan yon takotan lawas so Katawan a Dios yo.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Exodo 19:1

Saray Israelita tinaynan day Refidim tan diad ononan agew na kumatlon bulan kayari na impanaynan dad Egipto, sinmabi rad kalawakan na Sinai. Nankampo rad man ed alusadsar na Palandey na Sinai.

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Deuteronomio 11:19

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Deuteronomio 12:1

“Saraya so ganggan a pampelengan yo ya onuren legan a manaayam kayod dalin ya iiter ed sikayo na Katawan a Dios na saray lalaki yo. Dengel yo ra!

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Exodo 19:11

Nepeg ya akaparaan ira nabwas a sakey. Diad satan ya agew onakseb ak ed Palandey na Sinai, tan diman ak nanengneng na saray totoo.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Deuteronomio 6:7

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Saray Salmo 145:4

Manlapud sakey a kailalakan ya anggad ontombuk, nadayew iray ginagawam; ibawag da ray makapanyarin kimey mo.

Isaias 38:19

Saray mabilay so mangidadayew ed sika, A singa pangidadayew kod sika natan. Ibaga na saray kaamaan ed saray anak da so ontan lan inkatoor mo.