Deuteronomio 4:1 - Maung A Balita Biblia

¹ Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Maung a Balita Biblia

¹ Insan inkuanen Moises ed saray totoo, Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:1 Referans Kwoze

Saray Taga Roma 10:5

Onya so insulat nen Moises, nipaakar ed pakapaandi na kasalanay too ed arap na Dios lapud panangonur ed Ganggan: “Mambilay so toon mangoonur ed ibabagay Ganggan.”

Deuteronomio 8:1

“Pampelengan yon onuren iray amin a ganggan ya inter kod sikayo natad sayan agew, pian mansiansia kayon mambilay, ondakel kayo, tan napanayaman yoy dalin ya insipan na Katawan ed saray lalaki yo.

Ezekiel 20:11

Inter tan imbangat kod sikara iray ganggan ko a mangiter na bilay ed saray mangoonur.

Levitico 18:5

Tombuk yo ray ganggan tan saray bilin ya iter kod sikayo; makapansiansia kayon mambilay no onuren yo ra. Siak so Katawan.”

Deuteronomio 30:16

No onuren yo ray iiter kod sikayo natan a ganggan na Katawan a Dios yo, no aroen yo so Katawan, no tuloken yo, tan sumpalen yo ray amin a ganggan to, onaligwas kayo tan magmaliw kayon sakey a bansa ya amayamay iray totoo to. Say Katawan a Dios yo et bindisionan to kayo ed dalin a ngalngali yo la panayaman.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Deuteronomio 5:1

Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Levitico 22:31

Say Katawan kuanto, “Onur yo ray ganggan ko; siak so Katawan.

Levitico 19:37

Sumpal yo ray amin a ganggan ko tan saray bilin ko. Siak so Katawan.”

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.

Ezekiel 36:27

Iyan kod sikayo so ispirituk tan patoluken ta kayod saray ganggan ko tan saray bilin kod sikayo.

Ezekiel 20:21

“Balet sinumlang ak met na saman a kailalakan. Sinumpa da ray bilin ko tan ag da inonur iray ganggan ko a mangiter na bilay ed saray mangonur. Ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 11:20

Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.

Saray Salmo 119:4

Katawan inter mod sikami ray ganggan mo, tan imbagam a matoor mi ran onuren.

Saray Salmo 105:45

pian onuren na saray totoo to iray ganggan to tan sumpalen da ray bilin to. Idayew yoy Katawan!

Deuteronomio 30:19

Iiter kod sikayo natan so pankanawnawa yon mampili ed bilay tan patey, bindisionan na Dios tan say samba na Dios, tan tatawagen koy tawen tan dalin a mantasi no antoy pilien yo. Pili yo so bilay.

Deuteronomio 16:20

Lawas a maptek tan matonung kayo komun, pian napanayaman yoy dalin ya iiter ed sikayo na Katawan a Dios yo tan makapansiansia kayon manayam diman.

Deuteronomio 11:32

pampelengan yon sumpalen iray amin a ganggan ya iiter kod sikayo natad sayan agew.

Deuteronomio 11:1

“Aro yo so Katawan a Dios yo tan onur yo lawas iray amin a ganggan to.

Deuteronomio 4:45

Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Deuteronomio 4:8

Anggapoy arum a bansa, anggan anto lay pakapanyari to, a walaan na saray ganggan a matonung a singa saray ganggan ya imbangat ko natan ed sikayo.

Levitico 20:8

Sumpal yo ray ganggan ko, lapud siak so Katawan a mamapasanto ed sikayo.”

Juan 15:14

Kakaaro ta kayo, no onuren yo ray ganggan ko.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Exodo 18:20

Nepeg mon ibangat ed sikara iray ganggan na Dios tan ipaliwawam ed sikara no panoy pambilay da tan no antoy nepeg dan gawaen.

Deuteronomio 1:3

Diad ononan agew na kumalabinsakey a bulan na kumaapataplon taon kayari ran tinaynan so Egipto, imbaga nen Moises ed saray totoo iray amin a bengatlan ingganggan na Katawan ya ibaga tod sikara.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Deuteronomio 30:20

Aro yo so Katawan a Dios yo, onur yo tan mansiansia kayon matoor ed sikato, et diad ontan saray kabyangay boleg yo et mambilay ira na andokey ed dalin ya insipan ton iter ed saray lalaki yon di Abraham, Isaac, tan Jacob.”

Levitico 19:19

“Onur yo ray ganggan ko. Ag yo pakakastaan so sakey ya ayep ed doman ayep. Ag kayo mantatanem na duaran nandomaan a bokel ed sakey ya alog. Ag kayo mangisosolung na kawes ya inabel ed duaran klasiy tinebey.

Deuteronomio 1:8

Amin da ra yan pasen et sikaray dalin ya insipan ko, siak a Katawan, ya iter ed saray lalaki yon di Abraham, Isaac, tan Jacob, tan diad saray kabyangay boleg da. Laka yo sirin tan panayaman yo.’”

Deuteronomio 6:1

“Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Deuteronomio 6:24

Insan say Katawan a Dios tayo ingganggan to ya onuren mi ra yan ganggan tan sikatoy takotan mi. No sumpalen mi ra ya, asikasoen to lawas so bansa tayo tan paaliguasen to.

Deuteronomio 7:11

Natan sirin, onur yo ray nibangat ed sikayo; sumpal yo ray amin a ganggan ya inter kod sikayo ed sayan agew.

Deuteronomio 8:11

“Manalwar kayo, ta ompan nalingwanan yo so Katawan a Dios yo; onur yo ray amin a ganggan to ya iiter kod sikayo natan.

Deuteronomio 9:1

“Dengel kayo, sikayon totood Israel! Natad sayan agew ngalngali yo la baliwen so Ilog na Jordan tan panayaman so dalin a kayaryan na saray bansan ankabaleg tan makapanyari nen say sikayo. Ankakabaleg iray siudad da ya anggad tawen iray padir da.

Deuteronomio 13:1

“Say sakey a propita odino sakey a managpatalus na kogip et nayarin mangisipan a manggaway sakey a milagro odino sakey a pakelaw,

Josue 3:9

Insan inkuanen Josue ed saray totoo, “Gali dia ta dengel yoy ibagad sikayo na Katawan a Dios yo.

Jeremias 11:6

Insan inkuan na Katawan ed siak, “Lakad saray siudad na Juda tan diad saray dalan na Jerusalem. Ibawag mod man iray salitak, tan ibagam ed saray totood man ya ondengel irad ibabagay sipanan tan onuren da.