Deuteronomio 33:29 - Maung A Balita Biblia

²⁹ Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

Maung a Balita Biblia

²⁹ Israel, agay lay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

Deuteronomio 33:29 Referans Kwoze

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

2 Samuel 7:23

Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa tan saray diriyos da legan a mankukurang iray totoom, saray totoon impaway mod Egipto pian nakayaryan mo ra.

Habacuc 3:19

Pinabiskeg ak na Katawan a Dios. Patalabiten to ray salik a singa sali na ulsa tan iyarawi to ak ed kaatapan diad kapalandeyan.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Saray Salmo 66:3

Kuanyod Dios, “Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Saray Salmo 33:20

Say Katawan so paniilaloan tayo; sikatoy mananulong tan manangyagel tayo.

Saray Salmo 18:44

Dadakmomoan ak na saray totoon taga arum a bansa; no narengel da ak, ononur ira.

Deuteronomio 32:13

“Inabuloyan ton manoley ira ed saray atagey a pasen, tan impanbilay day bunga na saray tanaman ed kaalogan. Nanaala ray dilo ed saray sengat na saray ankakabaleg a bato; malambut a tinmobod kabatowan iray kakiewan dan oliba.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Puyan 19:21

Saray dakerakel a sondalo ra pinatey met na samay ispada a pinmaway ed sangi to may akakabayo; tan nansawa ray manok ya angan ed bangkay da.

Puyan 1:16

Sankabembenan toy pitoran bitewen ed kawanan a lima to, tan ompapaway ed sangi toy sakey a matdem ya ispadan nantopag so tarem. Say lupa to singa liwaway agew ed kaptangan.

1 Timoteo 4:10

Kanyan mankikimey tan mansasagput itayon maung, ta maniilalo tayod mabilay a Dios, say Manangilaban na amin a katoowan, lautlad saray mananisia.

Jeremias 12:12

Manlapud biek na amin a niatagey a kabueran dinmadagon manderal iray totoo. Angibaki ak na bakal a manderal ed intiron bansa; anggapoy makapambilay ed kareenan.

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Saray Salmo 144:15

Maliket so bansan onyay kipapasen to; maliket iray totoon say Dios da et say Katawan!

Saray Salmo 45:3

Isalokbit mo lay ispadam, arin makapanyari; mapagalang tan matalonggaring ka.

Saray Salmo 33:12

Maliket so bansa a say Dios to et say Katawan; maliket iray totoon pinili na Dios a kayaryan to!

Saray Salmo 7:12

No ag ira mampatauli, iyobul na Dios so ispada to. Pipinaten ton itaryay bekang na pana to;

Saray Bilang 24:5

Mararakep iray tulda na Israel,

Jeremias 47:6

Oneeyag kayo, ‘Ispada na Katawan! Kapigan ontonda so pantipas mo? Pawil ka lad kaluban mo, manayam ka lad tan a mampainawa!’

Saray Salmo 81:15

Saray mamobosul ed siak onggiwgiw irad takot diad arap ko; ag manganggay dusa ra.

2 Samuel 22:45

Dadakmomoan ak na saray totoon taga arum a bansa; no narengel da ak, ononur ira.

Saray Huis 7:20

tan onman met so ginawa na saramay duaran grupo. Binembenan dad kawigin lima ra may nipotan ya apoy, tan diad kawanan a lima ra so trumpita, insan da ineyag, “Sakey ya ispada a para Katawan tan si Gedeon!”

Saray Bilang 33:52

nepeg yon pataynanen iray amin a manaayam diman. Deral yo ray amin a bato tan mital a talintao ra tan amin a pasen a panangigalangan da.

Deuteronomio 4:32

“Osisa yo so apalabas, say panaon kasakbayan na inkianak yo, manlapud impamalsay Dios ed too diad tapew na dalin. Sukimat yo so intiron mundo. Wala la kasi so agawa nen saman a matalonggaring a singa saya? Wala la kasi so akadngel na singa onyan agawa?

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

2 Samuel 22:3

Say Dios ko so manangyagel ko, tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan. Sikatoy manangilaban ko; iyaagel to ak ed antokaman a maoges ya onsabid siak.

2 Saray Awaran 31:8

Nen anengneng nen Ari Ezekias tan saray opisyal to so karakel na niiter, inggalang day Katawan tan intanduro da ray totoo ton Israelita.

Saray Salmo 1:1

Maliket so toon ag ontotombuk ed simbawa da ray totoon maoges, ag to aaligey kagagawa da ray totoon makasalanan, tan ag mikakasakey ed saray totoon managbalaw na kamaungan.

Saray Salmo 32:1

Maliket iray totoon apirdona la ray kasusumlang da tan apaandi la ray kasalanan da.

Saray Salmo 32:2

Maliket so too a say Katawan et ag to aakusaen a nanggaway kaogsan tan anggapod puso to so antokaman a panamalingo.

Saray Salmo 68:34

Ibawag yoy pakayariy Dios; walad intiron Israel so kagalangan to, tan walad saray katawenan so pakayari to.

Isaias 58:14

narumog yod satan so liket ya iter na panlingkur ed siak. Pagmaliwen ta kayon galgalangen na sankamundoan, tan manliket kayo ed panayam yo ed dalin ya inter kod laki yon Jacob. Siak, say Katawan, so nansalita.”

Oseas 13:9

“Deralen ta kayo, sikayo ran totood Israel! Diad satan siopay makatulong ed sikayo?

Amos 8:7

Say Katawan a Dios na Israel sinambaan to, “Ag kon balut nalingwanan iray maoges a gagawaen da.

Saray Salmo 18:45

Onkakapoy so linawa ra tan manggiwgiw iran onsisingger a manlapud saray tirinsira ra.

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.