Deuteronomio 33:26 - Maung A Balita Biblia

²⁶ Sikayon Israelita, anggapoy dios a miparad Dios yo, Manloglogan a sigagalang a ombeltang ed tawen. Manloglogan ya onsorub ed kaloreman ta ondagon ontulong ed sikayo.

Maung a Balita Biblia

²⁶ Sikayon Israelita, anggapoy dios a miparad Dios yo, Manloglogan a sigagalang a ombeltang ed tawen. Manloglogan ya onsorub ed kaloreman ta ondagon ontulong ed sikayo.

Deuteronomio 33:26 Referans Kwoze

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Jeremias 10:6

Katawan, anggapoy mipara ed sika: makapanyari ka, tan matalonggaring tan makapanyari so ngaran mo.

Habacuc 3:8

Saray ilog so amapasnuk ed sika, Katawan? Say dayat so amapetang na olom? Linmogan kad tapew na kaloreman; karwahim so lorem ya ipapalir na bagyo, nen inyakar moy pananalo ed saray totoom.

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Saray Salmo 104:3

tan impaalagey moy abung mo ed tapew na saray danum ed tagey. Ikakanam a karwahi iray kaloreman tan lologanan mo ray payak na dagem.

Saray Salmo 86:8

Anggapod saray diriyos so miparad sika, Katawan, anggapoy siopaman a makagawa ed saray ginawam.

Isaias 40:25

Siopay nayarin pangiparaan ed Dios? Walay siopaman a singa sikato?

Isaias 40:18

Siopay nayarin pangiparaan ed Dios? Antoy kapara to?

Saray Salmo 18:10

Kinmabayod kirubin to, insan tinmikyab; linmogan ed saray payak na dagem.

Deuteronomio 32:15

“Minmayaman iray totoo na Katawan, matataba ra ta sawasawaan day kakanen, balet mananumlang irad Katawan. Inkaindan day Dios ya amalsad sikara tan impolisay day makapanyarin manangilaban da.

Isaias 66:8

Wala ta lay akanengneng o akadngel na nipaakar ed sayan inkagawa? Nianak kasi ed sanagew so sakey a bansa? Ag la nepeg a manirap a mabayag so Sion, kasakbayan a niletneg so bansa.

Saray Salmo 68:4

Kantaan yoy Dios, kantaan yo na panangidayew so ngaran to; iparaan yoy dalanen na manloglogan ed saray lorem. Yahweh so ngaran to—manliket kayod arap to!

Exodo 8:10

Inmebat so ari, “Ipikasian mo ak nabwas.” Inkuanen Moises, “Gawaen ko so onung na kerew mo, et diad ontan naamtaan mo ya anggapoy arum a dios a makapiparad Katawan a Dios mi.

Deuteronomio 4:35

Say Katawan impapanengneng to ra man ed sikayo, pian napaneknekan tod sikayo a bukbukor to so Dios tan anggapo lay arum.

Deuteronomio 10:14

Kayaryan na Katawan so anggan saray sankatageyan a katawenan; kayaryan to met so mundo, tan amin a logan to.

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Oseas 13:9

“Deralen ta kayo, sikayo ran totood Israel! Diad satan siopay makatulong ed sikayo?

Amos 8:7

Say Katawan a Dios na Israel sinambaan to, “Ag kon balut nalingwanan iray maoges a gagawaen da.

Exodo 8:6

Kanyan si Aaron inyatagey ton impetek ed amin a tapew na danum so baston to, et sinmakbit iray patang tan kinmayat irad intiron bansa.

Exodo 15:7

Diad talonggaring na katageyan mo tataloen mo ray kalaban mo; ondadalang so pasnuk mo tan popoolan mo ran singa dayami.

Deuteronomio 33:5

Say Katawan nagmaliw ya ari na saray totoo ton Israelita nen nantitipon iray tribu ra tan saray pangulo ra.

Saray Salmo 68:35

Makapataktakot so Dios no ompapaway ed santuario to— say Dios na Israel. Iitdan toy pakayari tan biskeg iray totoo to. Idayew yoy Dios!