Deuteronomio 33:16 - Maung A Balita Biblia

¹⁶ Napano komun na amin a kaabigan so dalin da. Nabindisionan komun na kaabigan na Katawan, A nansalitan nanlapud mandarlang ya abeban kiew. Onsabi komun ira yan bindision ed tribu nen Jose Ta sikato so pangulo da ray agagi ton lalaki.

Maung a Balita Biblia

¹⁶ Napano komun na amin a kaabigan so dalin da. Nabindisionan komun na kaabigan na Katawan, A nansalitan nanlapud mandarlang ya abeban kiew. Onsabi komun ira yan bindision ed tribu nen Jose Ta sikato so pangulo da ray agagi ton lalaki.

Deuteronomio 33:16 Referans Kwoze

Saray Gawgawa 7:35

“Impolisay na saray Israelita si Moises nen inkuanda, ‘Siopay angipasen ed sikan manoley tan huis mi?’ Balet saya met lamlamang a Moises so imbaki na Dios a manoley tan manondon, diad tulong na anghil a pinmayawar ed sikato diad abeban kiew.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Marcos 12:26

Natan, nipaakar ed kiolid bilay: ag yo ta ni abasa ed libro nen Moises so nipaakar ed abeban kiew a napopoolan? Nisulat diman a say Dios kauntod kinen Moises, ‘Siak so Dios nen Abraham, Dios nen Isaac, tan Dios nen Jacob.’

Jeremias 8:16

Wala lad siudad na Dan iray kalaban tayo; narerengel tayo so ariba na saray kabayoy kalaban tayo. Manggiwgiw lay intiron bansa no manaringing iray kabayo ra. Sinmabi la ran manderal na dalin tayo tan amin a logan to, manderal na siudad tayo tan saray totoon manaayam.”

Saray Salmo 89:11

Kayaryan moy tawen tan say dalin; pinalsam so mundo tan amin a logan to.

Saray Salmo 50:12

“No bilang naerasan ak ag ak mialad sikayoy kanen ko, ta kien koy mundo tan amin a logan to.

Genesis 49:26

Saray bindision a trigo tan saray rosas, Saray bindision a dagdaan iran palandey, Saray makapalikliket a bengatlan manlalapud andi-anggaan iran pokdul. Mansiansia komun ira yan bindision ed olo nen Jose, Diad muling na samay nibiig nen saman ed saray agagi ton lalaki.

Genesis 43:32

Sakey a lamisaan so anganan nen Jose, tan sananey so anganan da ray agagi to. Sananey met so anganan da ray Egipsio a mangakan diman, ta ipapasen dan ag onkana ray Hebreo a mirongod sikara.

Genesis 37:36

Leleg a nagagawa ra ya, inlako na saramay Madianita si Jose ed kinen Potifar diad Egipto. Sakey ed saray opisyal na ari si Potifar tan pangulo na saray guardia ed palasio.

Genesis 37:28

Nen onlalabas iray komirsiantin Madianita, inagwat na saramay sanaagi si Jose, insan da inlakoy duamplon kuartan pilak ed saray Ismaelita; inawit da sirin si Jose ed Egipto.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

1 CORINTO 10:28

Balet no walay mangikuan ed sikayo, “Imbagat yad saray talintaoy diriyos,” ag yo kakanen, makasengeg ed samay angipaamtad sikayo tan say konsinsia;

1 CORINTO 10:26

Ta ibabagay Masanton Sulat, “Kayaryan na Katawan so mundo tan amin a logan to.”

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Genesis 37:8

“Anto? Abaloan mo sirin manari kad sikami?” tepet na saray agagi to. Kanyan lalon binosul da, lapud saray imbagbaga ton nipaakar ed kogip to.

Exodo 2:2

Nanlokun yan bii tan nananak na laki. Nen anengneng to a balibalin ogaw so anak to, inyamut ton taloy bulan.

Saray Bilang 26:28

Saray tribu nen Jose ya ama na duaran lalaki a di Manases tan Efraim.