Deuteronomio 33:13 - Maung A Balita Biblia

¹³ Nipaakar ed tribu nen Jose inkuanto: “Say Katawan bindisionan to komun na oran so dalin da. Bindisionan to met komun na danum a manlapud dalem na dalin.

Maung a Balita Biblia

¹³ Nipaakar ed tribu nen Jose inkuanto: Say Katawan bindisionan to komun na oran so dalin da. Bindisionan to met komun na danum a manlapud dalem na dalin.

Deuteronomio 33:13 Referans Kwoze

Mikias 5:7

Say totood Israel a nakeraan a mabilay et magmaliw iran singa ambetel a linaew ya impelag na Katawan ed saray amayamay a bansa, singa ra mayamayan ompepelag ed saray ombabaleg a tanaman. Manmatalek irad Dios, aliwan diad too.

Oseas 14:5

Diad saray totood Israel, magmaliw ak a singa oran ed amagan dalin. Ombuskag iran singa saray rosas; onaralem a maung so lamut da, a singa saray kakiewan ed Libano.

Isaias 18:4

Inkuan ed siak na Katawan, “Manlapud tawen ag nalikas so iyosdung ko a singa ipepelag na linaew no panaon na panaganin masalimoot so labi, odino singa ampetapetang ya agew ya onsisinag no kagkaagewan.

Probirbio 19:12

Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Probirbio 3:20

Say kakabatan to pinaagos to ray ilog, tan pinapelag to ray lorem a mangoran ed tapew na dalin.

Zacarias 8:12

Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.

Saray Salmo 110:3

Maabuloy iray totoom a milaban no agew a mibakal kad saray kalaban mo. Singa linaew ed kabkabwasan saray balolakim onla rad sika diad saray masanton pokdul.

Say Libro nen Job 29:19

Singa ak kiew a kinmayamkam ed danum iray lamut to, tan kapag labi binasa na linaew iray sanga to.

Deuteronomio 32:2

Napelag a singa oran so bangat ko tan magmaliw a singa linaew ed dalin. Saray salitak ompelag a singa mayamaya ed saray malangwer a tanaman, singa makalkalnan oran ya ompelag ed malambut iran dika.

Genesis 48:9

Inmebat si Jose, “Anak ko ran inter na Dios ed siak diad Egipto.” Inmebat si Jacob, “Iyasingger mo ra diad siak, pian nabindisionan ko ra.”

Genesis 48:5

Intuloy ya inkuanen Jacob, “Ibibilang kon anak iray duaran lalakin anak mo a nianak ed Egipto kasakbayan na inyakar ko dia; anak ko ra di Efraim tan Manases a singa di Ruben tan Simeon.

Genesis 27:27

Nen anguban to, naangub nen Isaac so angub na kawes nen Esau, kanyan inter toy bindision to ed kinen Jacob. Inkuanto, “Say balingit na anak ko singa balingit na alog a binindisionay Katawan.

Genesis 27:39

Inkuanen Isaac ed sikato, “Anggapoy linaew na tawen a para sika, Anggapoy mataban dalin a para sika.

Deuteronomio 33:14

Nabindisionan komun so dalin da na bunga na saray tanaman ya alotod agew. Nawalaan komun na daakan tan sankamaungan iran bungay kiew no panaon na panagbunga.

Deuteronomio 33:28

Kanyan manaayam ya arawid kaatapan iray kabyangay boleg nen Jacob, mareen so bilay dad sakey a dalin a daakan so trigo tan alak, diad dalin a linaew so manasalog.

Saray Salmo 148:7

Manlapud dalin idayew yoy Katawan, sikayon dragon ed dayat tan amin yon dalem na dayat;