Deuteronomio 33:10 - Maung A Balita Biblia

¹⁰ Ibangat da ray totoom a mangonur ed Ganggan mo; Mangisaklang ira na saray bagat ed altar mo.

Maung a Balita Biblia

¹⁰ Ibangat da ray totoom a mangonur ed Ganggan mo; Mangisaklang ira na saray bagat ed altar mo.

Deuteronomio 33:10 Referans Kwoze

Saray Salmo 51:19

Diad ontan, manliket kad saray manepeg a bagat tan saray bagat min popoolan; et saray bakan kalakyan so nibagat ed tapew na altar mo.

Levitico 10:11

Nepeg yo met ya ibangat ed saray totood Israel iray amin a ganggan ya inter kod sikara diad panamegley nen Moises.”

Ezekiel 43:27

Kalabas na satan a sakey simba, nepeg ya igapo la na saray papari so mangisaklang ed tapew na altar na saray bagat a popoolan tan saray bagat a para kareenan. Diad satan pakaliketan ta kayo ya amin. Siak a Katawan a Dios so nansalita.”

1 Samuel 2:28

Diad saray amin a tribu na Israel, pinilik iray kabyangay pamilya to a magmaliw iran paparik, manlingkur ed altar, mamool na insinso, tan mansolung na ipod no mangipanon irad siak. Inter kod sikaray kanepegan a mangalay betang da ed saray bagat a popoolan.

Saray Hebreo 9:24

Ta si Cristo ag linmoob ed masanton pasen a ginaway too, a kaparpara labat na petepeteg a pasen. Ingen, linmoob ed tawen tan ilalaman to itayo ed arap na Dios.

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Nehemias 8:18

Manlapud ononan agew na pista ya anggad kaonuran ya agew, nanbabasa ran inagew-agew na sakey a parti na Ganggan na Dios. Nampista ra na pitoy agew, tan diad kumawalon agew walay sirimonyan pansamput, onung na ibabagay Ganggan.

2 Saray Awaran 30:22

Intanduro nen Ezekias ira may Levita lapud kamaungan dan angipangulo ed impangigalang ed Katawan. Kayariy pitoy agew na impangisasaklang day bagat a para kareenan tan say impangiiter day pisasalamat ed Katawan a Dios na saray lalaki ra,

2 Saray Awaran 26:18

ta banoen da. Inkuandad sikato, “Uzias! Anggapoy kanepegan mon mamool na insinso ed Katawan. Saray papari labat a say sengeg da et si Aaron so nisaklang a manggawad saya. Taynan mo yan masanton pasen. Mankakasalanan kad Katawan a Dios, kanyan ag to panliketan itay gagawaen mo.”

Deuteronomio 24:8

“No akating kayo, apiapiger yon tombuken so ibagad sikayo na Levitan pari; sumpal yo ray bilin ya intilak kod sikara.

Saray Bilang 16:46

et si Moises kuantod kinen Aaron, “Alam so pananginay insinso, kargaan mo na saray ngalab a manlapud altar, insan mo inan na insinso so ngalab. Insan ka mangganat ya onlad saray totoo ta gawam so sirimonya a panlinis ed sikara. Ganatan mo! Tinmerak lay pasnuk na Katawan tan ginmapo lay salot.”

Saray Bilang 16:40

Sikatoy sakey a pasakbay ed saray Israelita ya anggapoy onsingger ed altar a mampool na insinso para Katawan no aliwan kabyangay boleg nen Aaron. Ta no gawaen da, naparaan day agawad kinen Core tan saramay totoo to. Agawa yan amin onung na ingganggan na Katawan ed kinen Eleazar diad panamegley nen Moises.

Levitico 1:17

Benbenan to ray payak tan pisagen to may manok balet ag to ilaus, insan to ipool ya intiro ed tapew na altar. Makapaliket ed Katawan so balingit na sayan bagat.

Levitico 1:13

Samay too et nepeg ton orasan iray loob-loob tan saray sali, insan samay pari iyapay tod Katawan imay bagat tan poolan ton intiro ed tapew na altar. Makapaliket ed Katawan so balingit na sayan bagat.

Levitico 1:9

Samay too et nepeg ton orasan iray loob-loob tan saray sali, insan say parin mangibabagat poolan tod tapew na altar imay intiron bagat. Makapaliket ed Katawan so balingit na sayan bagat.

Levitico 16:12

mangala na pananginay insinso a napnoy ngalab a nanlapud altar tan duaran akup a pinon insinso, insan awiten to ra ed loob na Sankasantosan a Pasen.

Levitico 16:13

Diman ed arap na Katawan iyan tod ngalab imay insinso, pian say asewek na samay insinso et nasaniban to may sakub na Kaban na Sipanan; ag to nanengneng ed satan imay sakub et ag ompatey.

Deuteronomio 33:11

Katawan, tulongan mo pan ombiskeg so tribu ra; Manliket ka pa ed gagawaen da. Temek mo ray amin a kalaban da; Ag mo pa la ran balut papabangonen.”

Esdras 7:10

Inapasakey la nen Esdras so bilay to diad panaral tan pangonur tod Ganggan, tan diad pangibangat tod saray Israelita na saray bilin tan saray totontonen a walad Ganggan.

Deuteronomio 27:14

Saray Levita ikolyaot da ra yan salita:

Aggeo 2:11

Inkuanto, “Tepet mod saray papari no antoy kuandad totontonen a nipaakar ed saya:

Aggeo 2:12

No bilang ta walay toon sankaawit tod saloy na kawes to so sankategteg a pinasanton karni, insan nisapigar to may kawes to ed tinapay, odino antokaman a niloton kakanen, odino alak, odino larak na oliba, odino antokaman a tagano, magmaliw met man kasin masanton kakanen?” Nen nitepet ya, saray papari inmebat ira, “Andi.”