Deuteronomio 32:52 - Maung A Balita Biblia

⁵² Nabantag mod arawi so dalin, balet ag ka makaloob ed saman a dalin ya iiter kod saray totood Israel.”

Maung a Balita Biblia

⁵² Nabantag mod arawi so dalin, balet ag ka makaloob ed saman a dalin ya iiter kod saray totood Israel.

Deuteronomio 32:52 Referans Kwoze

Saray Hebreo 11:39

Lapud pananisia ra, angitilak iray maung a pakatongtongan ed sikara, balet ag da naawat so insipan na Dios,

Saray Hebreo 11:13

Diad pananisia, inatey ira yan amin a totoo. Ag da agamuran iray insipay Dios, balet malikeliket irad impakanengneng dad sarayan sipan, anggaman a mabayag niy pakagawad saraya. Binirbir dan sangkaili ra tan mimiayam ira labat diad tapew na dalin.

Deuteronomio 32:49

“Lakad Kapalandeyan na Abarim diad dalin na Moab a kasumbaliwan na siudad na Jerico; kalab kad Palandey na Nebo, ta bantag moy dalin na Canaan a ngalngalik la iter ed saray totood Israel.

Deuteronomio 3:27

Lakad toktok na Palandey na Pisga ta bantag kad baybay, diad abalaten, diad bokig, tan diad sagur. Apiapiger mon imanoen so nabantag mo, ta ag kan balut makabaliw ed Ilog na Jordan.

Deuteronomio 1:37

Lapud sikayo say Katawan akapasnuk met ed siak tan kuanto, ‘Anggan sika, Moises, ag ka makaloob ed dalin.

Saray Bilang 27:12

Say Katawan kuantod kinen Moises, “Kalab kad Palandey na Abarim tan bantagan mo so dalin ya iter kod saray Israelita.