Deuteronomio 32:35 - Maung A Balita Biblia

³⁵ Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

Maung a Balita Biblia

³⁵ Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

Deuteronomio 32:35 Referans Kwoze

Saray Taga Roma 12:19

Ag kayo ombabawi, inararon agagi; paolyan yo lan ombawi so Dios. Ta ibabagay Masanton Sulat, “Siak so maningil, siak so ombawi, kuay Katawan.”

Saray Hebreo 10:30

Ta kabat tayoy angibagay onya: “Siak so ombawi; siak so manusa.” Tan inkuanto ni, “Sintinsiaan na Katawan iray totoo to.”

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Jeremias 23:12

Andanglel tan ambilonget so dalanen da; pakaronyasen tan patumbaen ko ra. Iyakar kod sikaray deral; onsasabiy panaon na kadusa ra. Siak, say Katawan, so nansalita.

Saray Salmo 94:1

Katawan, sika so Dios a manudusa; ipanengneng mo pay pasnuk mo!

Deuteronomio 32:43

“Sikayo ran bansa, nepeg yon idayew iray totoo na Katawan— dusaen to ray mamatey ed sikara. Ombawid saray kalaban to tan pirdonaen to ray kasalanan da ray totoo to.”

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 6:21

Kanyan, siak, say Katawan, mangyan ak na pakatiroran pian natumba ra yan totoo. Ompatey iray ama tan saray anak; ontan met ed saray kakaaro tan saray kakaabay.”

Saray Taga Roma 13:4

Ta sikatoy kumikimey na Dios tan pankaabigan moy gagawaen to. Balet takot ka no maoges so gawaen mo, ta dusaen to kan dusaen. Sikatoy kumikimey na Dios a manusa ed saray manggaway kaogsan.

Isaias 60:22

Anggan say sankamelagan tan sankamugmoan a pamilyam Magmaliw a singa matalonggaring a bansa. No onsabiy niganan panaon, Masiglat ko yan sumpalen. Siak so Katawan!”

Isaias 8:15

Amayamay iray niparokul; natumba ra tan napoter ira. Naerel irad patit.”

Isaias 5:19

Kuanyo, “Mangganat la komun so Katawan a manggawa ed imbaga ton gawaen, pian nanengneng mi. Sumpalen la komun na masanton Dios na Israel iray plano to; naamtaan mi la komun so walad kanunotan to.”

Probirbio 4:19

Balet say dalan a pankukurangan da ray totoon maoges et ambilonget a singa labi. Natumba ra, ta ag da nanengneng so akapateran da.

Genesis 4:23

Inkuanen Lamec ed saramay asawa to, “Ada tan Zilla, dengel yo ak: Pinatey koy sakey a lakin tubon-balo, ta kinabil to ak a sinugatan.

Exodo 32:34

Laka la, ta ipangulom iray totoo ya onla ed pasen ya imbagak a laen yo. Say anghil ko so mangiwanwan ed sikayo, balet onsabiy oras a dusaen ko ra man a totoo lapud kasalanan da.”

Levitico 19:18

Ag kayo ombabawi ed siopaman a too odino say ituloy yon bosulen, no ag ingen aro yo so kapara yon too a singa panangaro yo ed sikayon dili. Siak so Katawan.

1 Samuel 26:10

Diad ngaran na mabilay a Katawan,” kuanen David ya intoluy, “Amtak a say dilin Katawan so mamatey ed kinen Saul, diad isabi na agew na ipatey ton bukor o diad ipatey tod bakal.

2 Saray Arari 9:7

Nepeg mon pateyen so amom ya ari, say lakin anak nen Acab, pian nadusak si Jezebel lapud impanpapatey tod saray propitak tan saray arum ya aripen ko.

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Jeremias 20:11

Balet wala ka, Katawan, ed diking ko, mabiskeg tan makapanyari ka, tan natumba ray mamapaseg-segang ed siak; ag da ak balut taloen. Andi-anggaan so pakapelag dad kababaingan lapud ag ira manalo. Ag balut nalingwanan so pakapelag dad kababaingan.

Jeremias 51:56

Sinmabi ran maneral ed Babilonia; adakep iray sondalo na Babilonia, tan apoter-poter iray pana ra. Siak so Dios a manudusad kaogsan, tan dusaen ko so Babilonia onung ed kanepegan to.

Ezekiel 7:5

Sikato yay ibabaga na Katawan a Dios: “Mantotombukay deral ya onsabid sika.

Oseas 13:12

“Akasulat so kasalanan tan kaogsan na Israel tan masinusinup ira may angisulatan da.

2 Samuel 22:48

Panataloen to ak ed saray kalaban ko; tataloen to ray totoon walad silong na pakaoley ko;

Isaias 13:22

Saray hayina tan saray asod katakelan et mandangul-dangul irad saray tori tan saray palasio. Sinmabi lay agew na pakaderal na Babilonia. Ngalngali la mangangga ray agew to.”