Deuteronomio 32:33 - Maung A Balita Biblia

³³ singa ra alak a ginawad ditay oleg.

Maung a Balita Biblia

³³ singa ra alak a ginawad ditay oleg.

Deuteronomio 32:33 Referans Kwoze

Saray Salmo 58:4

Napno ray dita a singa saray oleg; pepepetan da ray kalayagan da a singa ra telek a kobra,

Saray Taga Roma 3:13

Saray kolokolung da singa ra lobuk ya akalokas; pantitila da ray dila ra, singa ditay oleg iray salitan maoges ya ibabalikas na saray bibil da;

Jeremias 8:14

“Akin et wadya itayon manyodyorung ya ag onggalaw?” tepet na saray totooy Dios. “Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Saray Salmo 140:3

Singa makapatey ya oleg so kadilaan da; singa ditay kobra iray salita ra.

Deuteronomio 32:32

Saray kalaban dan maoges a singa saray totood Sodoma tan Gomorra et singa ra saray wakal na ubas a mambunga ray ampait tan makasamal,

Deuteronomio 32:34

“Ag nalingwanan na Katawan so ginagawa na saray kalaban da; aalagaren toy manepeg a panaon a panusa tod sikara.

Saray Salmo 58:5

ya ag to narengel so bosis na toon managpaamo na oleg, o say kanta na masilib a salamangkiro.