Deuteronomio 32:32 - Maung A Balita Biblia

³² Saray kalaban dan maoges a singa saray totood Sodoma tan Gomorra et singa ra saray wakal na ubas a mambunga ray ampait tan makasamal,

Maung a Balita Biblia

³² Saray kalaban dan maoges a singa saray totood Sodoma tan Gomorra et singa ra saray wakal na ubas a mambunga ray ampait tan makasamal,

Deuteronomio 32:32 Referans Kwoze

Deuteronomio 29:18

Manalwar kayo ya anggapoy sakey a laki, bii, pamilya, odino tribu a manalalagey natad sayan agew a mangikaindan ed Katawan a Dios tayo pian mangigalang ed saray diriyos na arum a bansa. Singa ya sakey a lamut a magmaliw ya ampait tan samal a tanaman.

Isaias 1:10

Jerusalem, saray manoley mo tan saray totoom et singa ra saray manoley tan saray totoo ed Sodoma tan Gomorra. Dengel ka ed ibabagad sika na Katawan. Talineng moy ibabangat ed sika na Dios tayo.

Jeremias 2:21

Intanem ta kan singa pinilin wakal na ubas, singa sankaabigan a bini. Balet nengneng mo no antoy nansumpalan mo! Nagmaliw kan aboluk tan andi-kakanaan a wakal na ubas.

Isaias 5:4

Wala kasiy nankulangan ko ed samay kaubasan ko? Akin et anakseng iray aborbor kon bunga, ya aliwan saray masamit a bungan inilaloan ko?

Saray Hebreo 12:15

Manalwar kayo, ta ompan walad sikayoy benegan toy baleg a panangaro na Dios. Manalwar kayo, ta ompan walad sikayoy magmaliw a singa ampait a tanaman ya ontubo tan mansamal ed saray amayamay.

Mateo 11:24

Tandaan mo sirin, a diad Agew na Okum, anlemlemew so dusa na Sodoma nen say sika!”

Saray Tagleey 4:6

Ambelat niy impakadusa na saray totook nen say impakadusa na saray totood Sodoma, a biglay inkaplag da ed limay Dios.

Deuteronomio 32:33

singa ra alak a ginawad ditay oleg.

Say Libro nen Job 14:17

Pirdonaen tan lingwanan mo ray kasalanan ko; paandien mo ray amin a kaogsan ko.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.