Deuteronomio 32:30 - Maung A Balita Biblia

³⁰ Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Maung a Balita Biblia

³⁰ Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Deuteronomio 32:30 Referans Kwoze

Levitico 26:8

say limarad sikayo taloen day sanlasus tan say sanlasus taloen day samplon libo.

Josue 23:10

Anggan siopad sikayo nayarian ton pabatiken so sanlibon lalaki, ta mibabakal a para sikayo so Katawan a Dios yo, onung na insipan tod sikayo.

Isaias 30:17

Ombatik, so sanlibod sikayo no nanengneng yoy sakey a sondalon kalaban, et masarag lay limaran sondalo a mamabatik ed sikayon amin. Anggapoy natilak ed saray sondalo yo likud ed begbegtew a bandira ya akabitin ed sakey a tiken a walad tapew na pokdul.

Saray Salmo 31:8

Ag mo inyabuloy a nadakep ak na saray kalaban ko; initdan mo ak na kawayangan ya onlad labay kon laen.

Saray Salmo 44:12

Mamurmuray impangilakom ed saray dilin totoom, a singa anggapoy kablian da.

Isaias 52:3

Say Katawan a Dios kuantod saray totoo to, “Nen nagmaliw kayon aripen, anggapoy kuartan imbayar; ontan met anggapoy kuartan ibayar diad panondon ed sikayo.

2 Saray Awaran 24:24

Daiset iray Sirianon sondalo, balet impatalo na Katawan iray amayamay a Judion sondalo lapud inkaindan na totoo so Katawan a Dios na lalaki ra. Onya so impakadusa nen Ari Joas.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Say Libro nen Job 11:10

Kabat na Dios no siopa ray andi-kakanaan a totoo; siopay makasbel ed sikato?

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Mateo 18:25

Anggapoy nibayar to, kanyan ingganggan na ari a sikatoy ilako, pati say asawa to, saray anak to, tan amin a kayaryan to, pian makabayar.

Say Libro nen Job 16:11

Impalima ak na Dios ed saray totoon maoges.

Levitico 26:7

Taloen yo ray kalaban yo;

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

1 Samuel 2:2

“Anggapoy masanto a singa say Katawan; anggapoy miparad sikato, anggapoy manangyagel a singa say Dios tayo.

1 Saray Awaran 12:14

Opisyal iray pigarad sarayan lalakin kabyangay tribu nen Gad. Saray atagtagey et pangulo ra na tonggal libon sondalo, tan saray abebbeba et pangulo ra na tonggal lasus a sondalo.

1 Saray Arari 14:16

Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.”

2 Saray Arari 7:5

Kanyan kasakbayay imbilonget to, linma rad kampo da ray Siriano, balet kasabi rad man anggapoy wadman ya anggan sakey a too.