Deuteronomio 32:3 - Maung A Balita Biblia

³ Idayew ko so ngaran na Katawan, tan saray totoo to ibawag day inkatalonggaring to.

Maung a Balita Biblia

³ Idayew ko so ngaran na Katawan, tan saray totoo to ibawag day inkatalonggaring to.

Deuteronomio 32:3 Referans Kwoze

Jeremias 10:6

Katawan, anggapoy mipara ed sika: makapanyari ka, tan matalonggaring tan makapanyari so ngaran mo.

Saray Salmo 150:2

Idayew yo lapud saray makapanyarin ginagawa to. Idayew yo lapud sikatoy sankatalonggaringan.

TAGA-EFESO 1:19

tan no panoy ontan lan kabiskeg na pakayari ton mankikimey ed sikatayo ran mananisia. Sayan pakayarid sikatayo et kapara to may pakayariy biskeg na Dios

Deuteronomio 5:24

tan kuanda, ‘Say Katawan a Dios tayo et impanengneng tod sikatayo so pakapanyari tan kagalangan to nen nadngel min nansalita a nanlapud apoy! Anengneng mi la natan a siansian mambilay so sakey a too, anggaman ya akisalitad sikato so Dios.

Juan 17:26

Impaamta ta kad sikara tan ituloy ko yan gawaen, pian niwalad sikara so panangarom ed siak, tan niwala ak ed sikara.”

Juan 17:6

“Impakabat ta kad saray totoon nanlapud mundo ya inter mod siak. Kien mo ra, tan inter mo rad siak. Inonur day salitam,

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Jeremias 23:6

No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

1 Saray Awaran 29:11

Kayaryan mo, Katawan, so talonggaring, pakapanyari, pananalo, kagalangan, tan tanduro. Kayaryan moy amin a bengatlad tawen tan diad dalin. Sika so ari tan sankatageyan a manoley ed ganagana.

Deuteronomio 3:24

‘Amtak, O Katawan a Dios, ya impanengneng mod siak labat so gapo na saray baleg tan makapakelaw a bengatlan gawaen mo. Diad tawen odino diad dalin, anggapoy diyos-diyos a makagawa na saray makapakelaw a bengatlan ginagawam!

Exodo 33:19

Inmebat so Katawan, “Ipadalan kod arap mo so amin a kaabigan ko tan ibawag koy ngaran ko a Yahweh. Aroen tan kasian ko ray pilien ko.

Exodo 6:3

Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

1 Saray Awaran 17:19

Linawam tan getmam a gawaen yan para siak tan ipaamtam ed siak so pagmaliw kon lalo nin matalonggaring.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!

1 Saray Awaran 29:10

Diman ed arap na saray atiptipon a totoo indayew nen David so Katawan. Inkuanto, “Katawan a Dios na laki min Jacob, nadayew ka komun ed ando lan ando!

1 Saray Awaran 29:13

Pisalamatan mi ka natan, O Dios mi, tan idayew mi so mapagalang a ngaran mo.