Deuteronomio 32:24 - Maung A Balita Biblia

²⁴ Ompatey irad eras tan sakit a mapalalon petang; ompatey irad makapataktakot iran salot. Mangibaki ak na saray ayayep ed katakelan ya ondogpad sikara, tan saray nanditan oleg a mangetket ed sikara.

Maung a Balita Biblia

²⁴ Ompatey irad eras tan sakit a mapalalon petang; ompatey irad makapataktakot iran salot. Mangibaki ak na saray ayayep ed katakelan ya ondogpad sikara, tan saray nanditan oleg a mangetket ed sikara.

Deuteronomio 32:24 Referans Kwoze

Levitico 26:22

Mangibaki ak ed sikayo na saray masebeg ya ayayep ed takel, tan pateyen da ray anak yo, deralen da ray baka yo, tan lapud dagdaiset ed sikayo so ikera ra magmaliw a begtebegtew iray dalan yo.

Ezekiel 5:17

Ipadalan koy eras tan mangibaki ak na saray ayayep ed katakelan a mamatey ed saray anak yo, tan mangyakar ak met na sakit, golo, tan bakal a mamatey ed sikayo. Siak, say Katawan, so nansalita.”

Habacuc 3:5

Papaonaen tod arap to so salot tan gangganen ton ontombuk ed sikato so patey.

Amos 9:3

No onamut irad toktok na Palandey na Carmelo, anapen ko ra et erelen ko ra. No iyamutan da ak ed dalem na dayat, iganggan koy dragon ed dayat ta ketketen to ra.

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Ezekiel 14:15

“Nayarin mangibaki ak na saray ayayep ed katakelan a mamatey ed saray totoo, tan pagmaliwen dan maatap so dalin, kanyan anggapoy manakar-akar a too;

Saray Tagleey 5:10

Lapud eras singa kami popoolan ed kapepetang mi, ya anggad ampetang lay baog mi a singa pogun.

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 15:3

Siak, say Katawan, ginetmak lan apatiran makapasinagem a segsegang so ondalan ed sikara: napatey ira; bingbingkasen na saray aso iray bangkay da; kanen na saray manok iray bangkay da, tan buagen na saray ayayep ed katakelan iray nakeraan.

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.”

Isaias 65:25

Mandorongo a mangan iray asod katakelan ton saray kordiro; saray lion mangan ira na dayami a singa saray baka; tan saray oleg ag la ra mangetket. Anggapo lad satan so antokaman a mamasakit odino kaogsan diad masanton palandey ko a Sion.”

Saray Salmo 120:4

Dusaen to kayod panamegley na saray maotuk a panay sondalo, diad panamegley na saray ampetapetang a ngalab!

Saray Salmo 91:6

odino diad saray salot ya onsabi no ambilonget, odino diad saray kaogsan a mamatey no maliwawa.

Deuteronomio 28:53

“No lolooban na saray kalaban yo iray baley yo, naandian kayoy nakan, kanyan kanen yo ray anggan saray anak ya inter ed sikayo na Katawan a Dios yo.

Deuteronomio 28:22

Say Katawan ipadalan tod sikayo ray makaalis a sakit, larag, tan petang; pakisiren ton maung so danum yo tan pasinagen toy makasinit a petang na agew et naderal iray tanaman yo. Ondalan ed sikayo ra ya, anggad ag yo ipatey.

Genesis 49:15

Balet nanenengneng ton maung a pasen so pampapainawaan to Tan makaroyroyo so dalin. Ipaparaan toy takeb ton manakbat Tan sikatoy napapasoot a mankimey a sakey ya aripen.

Genesis 3:14

Insan inkuan na Katawan a Dios ed samay oleg, “Nadusa ka lapud sayan ginawam; sika labat so nisamba ed amin da ray ayayep. Saya so dusam: Manlapud natan manilak-ilak ka, tan say dabuk so kanen mo legan mon mambilay.

Deuteronomio 28:48

Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.

Say Libro nen Job 20:16

Singa samal so kaogsan ya aakmunen na maoges a too; mamapatey ed sikato a singa ketket na nanditan oleg.

Jeremias 8:17

“Mantalaran kayo!” kuay Katawan, “Ibakik ed sikayo ray oleg, nanditan oleg ya ag ira napaamo. Ketketen da kayo.”

Mikias 7:17

Manilos irad dabuk a singa oleg; ompaway irad saray tirinsira ra, manggiwgiw tan natatakot ira. Ondago ran sitatakot ed Katawan a Dios mi.